فينليانديادا وتكەن پارابياتلوننان الەم كۋبوگى كەزەڭىندە ەربول حاميتوۆ 10 كم قاشىقتىقتى 32:37.0 سەكۋندتا ءجۇرىپ ءوتىپ، التىن مەدال ەنشىلەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
ەكىنشى ورىن ۋكراينالىق قارسىلاسى تاراس رادقا (33:41،6)، ال ءۇشىنشى ورىن تاعى ءبىر ۋكراين سپورتشىسى الەكساندر الەكسيككە (33:50،7) بۇيىردى.
الەم كۋبوگىنىڭ كەزەڭىندەگى بۇل جەڭىس - قازاقستان تاريحىنداعى العاشقى التىن مەدال.
ەسكە سالا كەتسەك، پاراشاڭعى مەن پارابياتلوننان الەم كۋبوگىنىڭ كەزەڭى فينليانديانىڭ ۆۋاكاتتي قالاسىندا 7-19 جەلتوقسان ارالىعىندا ءوتىپ جاتىر.
جارىستا ەربول حاميتوۆ پاراشاڭعىدان 5 كم قاشىقتىقتا كۇمىس جۇلدە، 10 كم قاشىقتىقتا قولا جۇلدەنى ەنشىلەسە، الەكساندر گەرليسپارابياتلوننان 12.5 كم قاشىقتىقتا قولا مەدالگە يە بولعان.