الەمنىڭ ەڭ بيىك عيماراتى دۋباي قالاسىنداعى بۋرج حاليفا قاسبەتىندە قازاقستان تۋى بەينەلەندى، دەپ حابارلايدى Almaty-akshamy.kz Inform.kz-كە سىلتەمە جاساپ.
«بۋردج-حاليفا قازاقستاننىڭ تاۋەلسىزدىك كۇنى قۇرمەتىنە جاعىلادى. ەل حالقىنا گۇلدەنۋ مەن بەيبىتشىلىك تىلەيمىز»، - دەپ قۇتتىقتادى بۋردج-حاليفا عيماراتىنىڭ رەسمي پاراقشاسى Instagram جەلىسىندە.
سونداي-اق بۇل جازبادا قازاقستان ءانۇرانى قوسا شىرقالادى.
ايتا كەتەيىك، «بۋردج حاليفا» مۇناراسى دۋبايدا ورنالاسقان (ءباا). بيىكتىگى – 828 مەتر، 163 قاباتتى. الەمدەگى ەڭ بيىك جانە ەڭ كوپ قاباتتى عيمارات.
بۇعان دەيىن دە بۋردج-حاليفادا 25 قازان - رەسپۋبليكا كۇنىنە وراي قازاقستان تۋى بەينەلەنگەن بولاتىن.