وندا 24 كوماندا وينايدى.
قازاقستان ءبىرىنشى رەت Fifa Nations Series 2022 الەم چەمپيوناتىنا جولداما الدى، دەپ حابارلايدى Almaty-akshamy.kz «سپورت شرەدينگەرا» Telegram ارناسىنا سىلتەمە جاساپ.
اقنازار بەكسەيىتوۆ (قاراعاندى) پەن ولجاس ەسەنتايەۆ (جەزقازعان) وينايتىن ۇلتتىق قۇراما FIFA-نىڭ ەڭ جاقىن سەرۆەرى باا-دە ورنالاسقاندىقتان، دۋبايعا بارىپ، ىرىكتەۋ دوداسىنان ءوتىپ قايتقان.
قازاقستاندىقتار ىرىكتەۋدىڭ ەكى كەزەڭىنەن ءوتىپ، 2022 جىلعى الەم چەمپيوناتىنا جولداما العان ۇزدىك ءۇش كوماندانىڭ قاتارىنا ەندى. ىرىكتەۋدە كوماندا قۇرامىندا 2018 جىلعى الەم چەمپيونى جانە FIFA نۇسقاسى بويىنشا جىلدىڭ ەكى دۇركىن جەڭىمپاز ويىنشىسى وينايتىن ساۋد ارابياسىنىڭ كومانداسىن جەڭدى.
فينال 27-30 شىلدە ارالىعىندا كوپەنگاگەندە وتەدى. وندا 24 كوماندا وينايدى. 2022 جىلعى الەم چەمپيوناتىنىڭ جۇلدە قورى – 400 مىڭ دوللار.
Fifa Nations Series 2022-EA SPORTS 2v2 فورماتىنداعى FIFA 22 فۋتبول ترەناجەرى بويىنشا حالىقارالىق سپورتتىق تۋرنير. وعان الەمنىڭ تۇكپىر-تۇكپىرىنەن فۋتبول قاۋىمداستىقتارىنىڭ قۇراما كوماندالارى قاتىسادى. Fifa Nations Series FIFA – حالىقارالىق فۋتبول فەدەراسياسىنىڭ رەسمي ءتۋرنيرى. 2019 جىلدان بەرى جىل سايىن ءوتىپ كەلەدى.