بۇل تۋرالى قارجى مينيسترلىگىنىڭ مەملەكەتتىك كىرىستەر كوميتەتى حابارلادى.
8 ماۋسىمنان باستاپ ەلىمىزدەن اعاش ماتەريالدارىنىڭ كەيبىر تۇرلەرىن شىعارۋعا تىيىم سالىندى، دەپ حابارلايدى Almaty-akshamy.kz
تىيىم 2022 جىلعى 8 ماۋسىمدا كۇشىنە ەنگەن «اعاش ماتەريالدارىنىڭ جەكەلەگەن تۇرلەرىن اكەتۋدى رەتتەۋدىڭ كەيبىر ماسەلەلەرى تۋرالى» قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترىنىڭ 2022 جىلعى 7 ماۋسىمداعى 322 بۇيرىعىمەن ەنگىزىلدى. بۇعان دەيىن ەلىمىزدە وسىنداي تىيىم 2021 جىلعى 7 جەلتوقسان مەن 2022 جىلعى 7 ماۋسىم ارالىعىندا قولدانىلعان.
اتالعان بۇيرىق التى اي قولدانىستا بولادى.
«اتالعان تىيىم وتاندىق اعاش وڭدەۋ ونەركاسىبىن دامىتۋ جانە اعاش ونىمدەرىن زاڭسىز اكەتۋگە جول بەرمەۋ ماقساتىندا ەنگىزىلگەن»، – دەلىنگەن ۆەدومستۆو تاراتقان حابارلامادا.
قانداي ماتەريالداردى قازاقستاننان شىعارۋعا تىيىم سالىنادى:
(4401) وتىن تۇرىندەگى بورەنەلەر، بورەنەلەر، بۇتاقتار نەمەسە ۇقساس تۇرلەردەگى سۇرەك (اعاشتىڭ قابىق استىنداعى قاتتى بولىگى)؛
(4403) قابىعى الىنعان نەمەسە الىنباعان، باتپاقتانعان نەمەسە ورەسكەل جيەكتەلگەن، كەسىلمەگەن، وڭدەلمەگەن اعاش ماتەريالدارى؛
(4404) بوشكەلىك سۇرەك؛ جارىلعان بورەنەلەر؛ اعاشتان جاسالعان ۇشكىرلەنگەن، ءبىراق كەسىلمەگەن قادالار، قازىقتار جانە باعانالار؛ تاياقتاردى، قولشاتىرلاردى، قۇرال-سايماندارعا ارنالعان تۇتقالاردى نەمەسە ۇقساس بۇيىمداردى ءوندىرۋ ءۇشىن پايدالانىلاتىن، ورەسكەل قيىستىرىلعان، ءبىراق قايرالماعان، مايىستىرىلماعان نەمەسە باسقا تاسىلمەن وڭدەلمەگەن اعاش ماتەريالدارى؛ جوڭقا جانە ۇقساس سۇرەك؛
(4406) تەمىرجول نەمەسە ترامۆاي جولدارىنا ارنالعان اعاش شپالدار؛
(4407) ارالاۋمەن نەمەسە ۇزىنا بويىنا ىدىراتۋمەن، سۇرگىلەۋمەن نەمەسە ارشۋمەن الىنعان، وڭدەلمەگەن نەمەسە سۇرگىلەنگەن، اجارلاۋمەن وڭدەلگەن، قالىڭدىعى 6 مم-دەن استام جاناما قوسىلىستارى بار نەمەسە جوق اعاش ماتەريالدارى.
ەاەو سەق تن 4406910000 «سىڭىرىلگەن تەمىرجول نەمەسە ترامۆاي جولدارىنا ارنالعان قىلقان جاپىراقتى تۇقىمداردان جاسالعان اعاش شپالدار» كودىمەن تاۋار قوسىلمايدى.