بۇل جالپى ەكسپورتتىڭ 52%-عا جۋىعىن قۇرايدى.
قازاقستان 9،1 ملن توننا استىق پەن ۇن ەكسپورتتادى، دەپ حابارلايدى Almaty-akshamy.kz Inbusiness.kz سىلتەمە جاساپ.
بۇل وتكەن ماركەتينگتىك جىل (2021 جىلعى شىلدە – 2022 جىلعى ماۋسىم) بويىنشا دەرەك ەكەندىگىن اتاپ ءوتۋ كەرەك.
«2021-2022 جىلى قازاقستان قارجى مينيسترلىگى مەملەكەتتىك كىرىستەر كوميتەتىنىڭ دەرەكتەرى بويىنشا، «قازاقستان تەمىر جولى» ۇك» اكسيونەرلىك قوعامى 9 145،9 مىڭ توننا استىق پەن ۇندى، سونىڭ ىشىندە 6 761،2 مىڭ توننا استىق پەن 1 669،3 مىڭ توننا ۇندى ەكسپورتتادى»، - دەلىنگەن اۋىل شارۋاشىلىعى مينيسترلىگىنىڭ حابارلاماسىندا.
ۆەدومستۆونىڭ اقپاراتىنا سايكەس، بيداي مەن ۇننىڭ باسىم بولىگى ورتالىق ازيا ەلدەرىنە تيەلگەن. بۇل جالپى ەكسپورتتىڭ 52%-عا جۋىعىن قۇرايدى. بۇدان بولەك اۋعانستان، يران، ءازىربايجان، جۇڭگو، رەسەي، گرۋزيا ەلدەرىنە دە جىبەرىلدى. قازاقستان يتاليا، تۇركيا، ۇلىبريتانيا، نورۆەگيا، لاتۆيا، ليۆان، تۋنيس، شۆەيساريا، موڭعوليا، پولشا سياقتى ەلدەرگە دە بيداي مەن ۇندى ەكسپورتتاعان.
سونىمەن قاتار وتكەن ماۋسىمدا وتاندىق استىقتى وتكىزۋ نارىقتارى سول قالپىندا قالعانى دا ايتىلادى.