بۇعان قاشىقتان وقۋ دا سەبەپ بولعان.
وسىدان ەكى جىل بۇرىن كوزى ناشار كورەتىن 22،5 مىڭ وقۋشى بولسا، ءقازىر ولاردىڭ قاتارى 60 مىڭعا دەيىن جەتكەن، دەپ حابارلايدى Almaty-akshamy.kz
بۇل تۋرالى حابارلاعان «حابار 24» تەلەارناسىنىڭ مالىمەتىنشە، كوزدىڭ كورۋ قابىلەتىنە قازىرگى ءبىلىم بەرۋ باعدارلاماسىنداعى جۇكتەمە دە كەرى اسەرىن تيگىزىپ جاتقانعا ۇقسايدى.
- سەبەبى تاڭنان كەشكە دەيىن مەكتەپتە جۇرگەن وقۋشى ۇيىنە كەلىپ، تەلەفون، پلانشەت نەمەسە كومپيۋتەر ويناپ دەمالادى، - دەيدى دارىگەرلەر. ونىڭ ۇستىنە جاعدايدى پاندەميا كەزىندەگى قاشىقتان وقىتۋ دا ۋشىقتىرا تۇسكەن.
«ونىڭ سەبەبى بىزگە قاتتى ءبىلىندى. وسى سوڭعى 1-2 جىلدا بالالاردىڭ الىستان دۇرىس كورمەۋى اتا-انالارعا، دارىگەرلەرگە كوپ كۇش ءتۇسىردى. سونىڭ ءبارى ونلاين وتىرعان ساباقتاردىڭ، مەكتەپتىڭ تاپسىرمالارىن كومپيۋتەرمەن، تەلەفونمەن قاراعاننان بولىپ وتىر»، - دەيدى وفتالمولوگ-دارىگەر اينۇر اقباروۆا.
مامانداردىڭ ايتۋىنشا، بالانىڭ كوزىن مينۋس 1-گە دەيىن ەمدەۋگە بولادى ەكەن. ال 3-تەن جوعارى بولىپ كەتسە، كوزىلدىرىك تاعادى. الايدا ونى تەك تاقتاعا قاراعاندا تاعۋ شارت. ال ەگەر 3-تەن جوعارى، ياعني 6 بولاتىن بولسا، وندا كوزىلدىرىكتى ءاردايىم تاعىپ جۇرۋگە تۋرا كەلەدى.
دارىگەرلەردىڭ ايتۋىنشا، كوزدىڭ كورۋ قابىلەتىن ناشارلاتپاۋ ءۇشىن بالالارعا مەكتەپ جاسىنا دەيىن تەلەفوندى بەرمەۋ كەرەك. كوزگە ارنالعان ءتۇرلى جاتتىعۋلاردى ءجيى جاساپ، دارۋمەندەر ءىشۋ قاجەت.