قازاقستان 2029 جىلى استانادا ازيا-تىنىق مۇحيتى ريەۆماتولوگتار قاۋىمداستىقتارى ليگاسىنىڭ (APLAR) 31ء-شى كونگرەسىن قابىلدايدى، دەپ حابارلايدى aqshamnews.kz.
شەشىم جاپونيانىڭ فۋكۋوكا قالاسىندا وتكەن APLAR باس اسسامبلەياسىندا قابىلداندى. داۋىس بەرۋدە قازاق ريەۆماتولوگتار كوللەدجى ءۇندىستان قاۋىمداستىعىن جەڭىپ شىقتى.
بۇل تاريحي جەتىستىككە قوسا، ق ر دەنساۋلىق ساقتاۋ مينيسترلىگىنىڭ باس شتاتتان تىس ريەۆماتولوگى، پروفەسسور عالىمجان توعىزبايەۆ APLAR ۆيسە-پرەزيدەنتى بولىپ سايلاندى. بۇل – قازاقستان مەن ورتالىق ازيادان شىققان ماماننىڭ حالىقارالىق ۇيىمداعى تۇڭعىش جوعارى لاۋازىمى.
كونگرەسس اياسىندا ەلورداعا الەمنىڭ تۇكپىر-تۇكپىرىنەن 3000-نان استام مامان كەلمەك. ءىس-شارا قازاقستاننىڭ ايماقتاعى مەديسينالىق عىلىم ورتالىعى رەتىندەگى بەدەلىن ارتتىرىپ، حالىقارالىق ىنتىماقتاستىقتى كۇشەيتەدى.
انىقتاما: APLAR 1963 جىلى قۇرىلعان، بۇگىندە وعان ازيا مەن وكەانيانىڭ 35 ۇلتتىق قاۋىمداستىعى كىرەدى.