«قازاقفيلمدەگى» جۇلدىزدار اللەياسىنا جاڭا ەسىمدەر قوسىلدى

جۇلدىزدار اللەياسى 2011 جىلدىڭ كۇزىندە اشىلعان بولاتىن.

قازاق كينو جۇلدىزدارىنىڭ اللەياسى 13 جاڭا ەسىممەن تولىقتى، دەپ حابارلايدى Almaty-akshamy.kz

ولاردىڭ اراسىندا حالىق جازۋشىسى، قازاقستاننىڭ ەڭبەك ەرى ولجاس سۇلەيمەنوۆ، قازاق كينوسىنىڭ ارداگەرى، دىبىس وپەراتورى قادىر قوساي، اكتريسا، قازاقستاننىڭ ەڭبەك سىڭىرگەن ءارتىسى مەرۋەرت وتەكەشيەۆا بار.

ەسكەرتكىش جۇلدىزدار ومىردەن وتكەن ارتىستەر مەن ەڭبەك سىڭىرگەن قايراتكەرلەردى ەسكە الۋ ءۇشىن جاسالدى. ولاردىڭ اراسىندا:

رەجيسسەر ساتىبالدى نارىمبەتوۆ (08.03.1946 - 08.07.2021)؛

رەجيسسەر يگور ۆوۆنيانكو (14.07.1942 - 10.10.2021)؛

اكتەر قۇمان تاستانبەكوۆ (10.03.1945 - 17.12.2017)؛

اكتەر مەڭتاي وتەپبەرگەنوۆ (07.08.1946 - 05.01.2016)؛

اكتەر فارحات ءابدىرايىموۆ (21.01.1966 - 21.05.2021)؛

اكتەر جامبىل قۇدايبەرگەنوۆ (17.05.1949 - 06.10.1990)؛

ستۋديانىڭ باس ينجەنەرى يۋريي برەۋس (05.07.1911 - 18.11.1998)؛

العاشقى قازاق كينووپەراتورى ەسكەندىر تىنىشپايەۆ (09.05.1909 - 01.04.1995)؛

وپەراتور، رەجيسسەر مارك بەركوۆيچ (30.01.1914 - 12.03.1986)؛

وپەراتور، رەجيسسەر ۆياچەسلاۆ بەليالوۆ (22.01.1936 - 04.10.2004).

«وكىنىشكە قاراي، قازاق كينوسىنىڭ نەگىزىن قالاۋشىلاردىڭ كوبى ارامىزدا جوق. ولاردى ەسكە الىپ، ۇمىتپاۋىمىز كەرەك. بارشاڭىزدى وسى ايتۋلى وقيعامەن قۇتتىقتايمىن، بارىڭىزگە زور دەنساۋلىق تىلەيمىن»، - دەدى قازاقستاننىڭ ەڭبەك ەرى، كسرو حالىق ءارتىسى ءاسانالى ءاشىموۆ.

«قازاقفيلم» كينوستۋدياسىنىڭ پرەزيدەنتى اقان ساتايەۆ ساتىبالدى نارىمبەتوۆتىڭ ۇلدارىنا فرانسياداعى كينوفەستيۆال اياسىندا بەرىلگەن «وتاندىق كينەماتوگرافيانىڭ دامۋىنا ۇلەس قوسقانى ءۇشىن» سىيلىعىن تابىستادى.

ءىس-شاراعا كينو ونەرىنىڭ دامۋىنا ۇلەس قوسقان تۇلعالاردىڭ تۋىستارى مەن جاقىندارى، كورنەكتى مادەنيەت قايراتكەرلەرى جانە كينوستۋديا ۇجىمى قاتىستى.