«وتباسى بانكتىڭ» ستاتۋسى وزگەرەدى

«وتباسى بانك» اق ۇلتتىق دامۋ ينستيتۋتىنا اينالادى.

بۇل تۋرالى «بايتەرەك» حولدينگى باسقارما ءتوراعاسى ايدار ءارىپحانوۆ مالىمدەدى، دەپ حابارلايدى Almaty-akshamy.kz

حولدينگ باسشىسى تۇرعىن ءۇي ساياساتىن رەفورمالاۋ تۋرالى زاڭ جوباسى اياسىندا «وتباسى بانك» بازاسىندا تۇرعىن ۇيمەن قامتاماسىز ەتۋ ورتالىعى قۇرىلاتىنىن مالىمدەدى.

«تۇرعىن ءۇي ورتالىعىنىڭ بازاسى جەكە تۇلعالاردىڭ مەملەكەتتىك دەرەكتەر بازاسىمەن بىرىكتىرىلەتىن بولادى. سونىمەن قاتار، ەكىنشى دەڭگەيلى بانك مارتەبەسىن ۇلتتىق دامۋ ينستيتۋتى مارتەبەسى بار بانككە وزگەرتۋ جوسپارلانىپ وتىر»، - دەدى ايدار ءارىپحانوۆ.

ونىڭ ايتۋىنشا، سونداي-اق «وتباسى بانك» وبلىس اكىمدەرىمەن بىرلەسىپ بانك قۇرالدارى اياسىندا دامۋ الەۋەتى تومەن مونوقالالاردىڭ تۇرعىندارى ءۇشىن باستاپقى جارناسى 10 پايىز، سىياقى مولشەرلەمەسى 2-5 پايىز بولاتىن جەڭىلدەتىلگەن يپوتەكا باعدارلاماسىن ازىرلەيدى. ءونىمدى قۇرۋدىڭ جوسپارلانعان ۋاقىتى - 2022 جىلدىڭ ءى توقسانى.

سونداي-اق، تۇرعىن ءۇي قۇرىلىس جيناق جۇيەسى باعىتى بويىنشا بۇگىنگى تاڭدا 2021 جىلى حالىققا جالپى سوماسى 1،1 تريلليون تەڭگەگە 73 مىڭ جەڭىلدەتىلگەن نەسيە بەرىلىپ، ونىڭ ىشىندە  «نۇرلى جەر» مەملەكەتتىك باعدارلاماسى شەڭبەرىندە 150 ميلليارد تەڭگە سوماسىنا 13،6 مىڭ قارىز بەرىلگەن.