گەرمانيادا بەرلينالە حالىقارالىق كينوفەستيۆال اياسىندا ەۋروپا كينونارىعى ءوتىپ جاتىر.
بۇل – ەۋرووداقتاعى كينو سالاسىنىڭ وكىلدەرى مەن جالعا بەرۋشىلەر باس قوساتىن ءىرى الاڭ. كومپانيالار تۋىندىلارىن ۇسىنىپ، سالا ماسەلەلەرىن تالقىلايدى، دەپ حابارلايدى Almaty-akshamy.kz 24.kz-كە سىلتەمە جاساپ.
بيىل وعان شاكەن ايمانوۆ اتىنداعى كينويندۋستريا قاتىسىپ جاتىر. ولار بەرليندە جاڭا سەرىكتەستەر تاۋىپ، وتاندىق كينونى ىلگەرىلەتۋگە نيەتتى. وتاندىق ماماندار اقان ساتايەۆتىڭ «ۇلى دالا تاڭى»، بولات قالىمبەتوۆتىڭ «مۇقاعالي»، دارەجان ومىربايەۆتىڭ «اقىنى» سەكىلدى كارتينالاردى اپارعان. جالپى، قازاقفيلم قورجىنىندا 800 كينوتۋىندى بار.
«قازاقفيلم ءۇشىن ەۋروپانىڭ كينونارىعىنا قاتىسۋ ستراتەگيالىق تۇرعىدان وتە ماڭىزدى. شىعارماشىلىق الاڭ قازاقفيلمگە ءوزىنىڭ كونتەنتىن ۇسىنىپ، ىنتىماقتاستىقتى دامىتۋ جولدارىن قاراستىرۋعا مۇمكىندىك بەرەدى. ءبىز ەۋرووداق ەلدەرىمەن كەزدەسۋلەر وتكىزىپ جاتىرمىز. لاتىن امەريكاسىمەن بايلانىس ورناتساق دەگەن نيەتىمىز بار»، - دەيدى ش. ايمانوۆ اتىنداعى «قازاقفيلم» اق ديستريبۋسيا ءبولىمىنىڭ باسشىسى لاۋرا سابانبايەۆا.
«ءبىز ءىرى كينوفەستيۆالدەرگە عانا ەمەس، رەجيسسەرلەرگە ءوز تۋىندىلارىن كورسەتۋگە مۇمكىندىك بەرەتىن وزگە دە شارالارعا قاتىسۋعا دايىنبىز. مىسالى، كوتتبۋس فەستيۆالىندەگى باسقوسۋلار وتە ناتيجەلى بولدى. بۇل – بەرلينالەدەن كەيىنگى تانىمال فەستيۆال. بيىل ولار قازاقستانمەن تىعىز قارىم-قاتىناس ورناتۋدى جوسپارلاپ وتىر. ءبىز ءوز كەزەگىندە مۇنداي شىعارماشىلىق تاجىريبەگە دايىنبىز»، - دەيدى ش. ايمانوۆ اتىنداعى «قازاقفيلم» اق حالىقارالىق ءبولىمىنىڭ مەنەدجەرى ايجان قاسىمبەكوۆا.