كەزدەسۋ بارىسىندا پرەزيدەنتكە كونستيتۋسيالىق سوت ءوز جۇمىسىن باستاعانى، وكىلەتتىگىن جۇزەگە اسىرۋعا كىرىسكەنى، سونداي-اق بيىلعى 1 قاڭتاردان بەرى ازاماتتاردان كەلىپ تۇسكەن وتىنىشتەر جونىندە مالىمەت بەرىلدى. ەلۆيرا ازيموۆا كونستيتۋسيالىق ءىس جۇرگىزۋگە قابىلدانعان وتىنىشتەر مەن كونستيتۋسيالىق باقىلاۋ اياسىندا جوسپارلانعان شارالار تۋرالى ايتتى.
قاسىم-جومارت توقايەۆ كونستيتۋسيالىق ءىس جۇرگىزۋدىڭ بارلىق ساتىسىنىڭ اشىقتىعىن جانە كونستيتۋسيالىق سوتقا جۇگىنۋ ءتارتىبى تۋرالى ازاماتتاردىڭ حاباردار بولۋىن قامتاماسىز ەتۋدىڭ، سونداي-اق اتا زاڭنىڭ ساقتالۋىنا باقىلاۋدى كۇشەيتۋدىڭ ماڭىزدى ەكەنىن اتاپ ءوتتى.