قازاق ۇلتتىق حورەوگرافيا اكادەمياسىندا ماسكەۋ مەملەكەتتىك حورەوگرافيا اكادەمياسىنىڭ (مماح) پروفەسسورى مارينا بۋلانكينانىڭ شەبەرلىك سىنىبى وتەدى.
ەرلەر مەن ايەلدەر سىنىپتارىن، باستاۋىش جانە جوعارى كۋرستارداعى مۋزىكالىق سۇيەمەلدەۋ نيۋانستارىن وقىتۋ جوسپارلانعان، دەپ حابارلايدى aqshamnews.kz.
شەبەرلىك سىنىبى 28 قىركۇيەككە دەيىن جالعاسادى. اتالمىش ءىس-شارا كونسەرتمەيستەرلەردىڭ كاسىبي داعدىلارىن دامىتۋ ءۇشىن عانا ەمەس، قازاقستان مەن رەسەي اراسىنداعى مادەني بايلانىستاردى نىعايتۋ ءۇشىن، سونداي-اق حورەوگرافيالىق ءبىلىم بەرۋ سالاسىنداعى حالىقارالىق ىنتىماقتاستىقتى كەڭەيتۋ ءۇشىن سەپتىگىن تيگىزەدى.
مارينا بۋلانكينا – اكادەميالىق ىنتىماقتاستىققا بەلسەندى تۇردە ۇلەس قوسىپ جۇرگەن مامان. ول ءتۇرلى ەلدەگى ارىپتەستەرىمەن بىرنەشە رەت شەبەرلىك ساباقتارىن وتكىزىپ، حورەوگرافيالىق ونەر سالاسىنداعى كونسەرتمەيستەرلەردى كاسىبي دايارلاۋ جۇيەسىن دامىتۋدا جەمىستى ەڭبەك ەتىپ كەلەدى. كونسەرتمەيستەر شاكىرتتەرى اراسىندا ءتۇرلى كونكۋرستاردىڭ لاۋرەاتتارى، سونىڭ ىشىندە حالىقارالىق، جەتەكشى بالەت ترۋپپالارىنىڭ، تەاتر-كونسەرت جانە وقۋ ۇيىمدارىنىڭ ماماندارى بار.