قازاقستاندىق ءالينۇر جەڭىس اتتى ارۋ قىتايدا تانىلدى، دەپ حابارلايدى اlmaty-akshamy.kz 24 kz-كە سىلتەمە جاساپ.
ەكى ەل اراسىندا ءتۇرلى فورۋمدار وتكىزگەن ول «دوستىق ەلشىسى» ناگراداسىن الدى. بۇعان دەيىن مۇنداي ماراپات تەك ديماش قۇدايبەرگەنگە بەرىلىپتى. ءالينۇر مۇنىمەن شەكتەلمەي، جەكە كاسىپكەرلىكتى دە قولعا العان. بۇگىندە ءوز كوسمەتيكالىق برەندىن قالىپتاستىرىپ، ەلىمىزدە كاسىبىن ورلەتىپ ءجۇر.
اسپان استى ەلىنەن 15 جىل بۇرىن كوشكەن ءالينۇر: «اتاجۇرتتا باعىم اشىلدى»، -دەيدى. ەلدە 6 جىل تەگىن وقىپ، قالاعان ىسىمەن اينالىسۋعا مۇمكىندىك العان.
ءالينۇر جەڭىس، كاسىپكەر: - دۇرىس شەشىم قابىلداعان اكەمىزگە راقمەت. سەبەبى ميللياردتاعان قىتايلاردىڭ ىشىندە جاي عانا ءبىر مۇشەسى بولامىز عوي. ەلىمىزدى تاپقانىما ريزامىن.
ءالينۇر كاسىبي ديپلومات بولماسا دا، جۇڭگو مەن قازاقستان اراسىنداعى حالىق ديپلوماتىنا اينالدى. 10 جىل بويى ءتۇرلى فورۋم مەن كورمە وتكىزىپ، حالىق جادىندا قالدى. ەل دامۋى ءۇشىن شەتەلدىك ينۆەستورلاردى تارتتى. استە بۇل ەڭبەگى ەسكەرۋسىز قالعان جوق.
ءالينۇر جەڭىس، كاسىپكەر: - ەكى ەل اراسىنداعى «دوستىق ەلشىسى» دەگەن ناگرادانى الامىن. سەبەبى 10 جىل بويى جۇڭگو ەلى بىلەدى، مەن قازاقستاننىڭ قوناقجاي ەل ەكەنىن، بولاشاعى بار ەل ەكەنىن كورسەتۋ ءۇشىن تەكتەن-تەككە اقشا تاپپاي، جۇمىس ىستەپ كەتەمىن اۋدارماعا دا، فورۋمعا دا، ءىس-شاراعا.
بۇگىندە ءالينۇر العاشقىلاردىڭ ءبىرى بولىپ ۇلتتىق ناقىشتاعى كوسمەتيكا ونىدمەرىن شىعارادى. 20 ەلدە تۇتىنۋشىسى بار برەند ۇلتتىق بولمىسىمىزدى ودان ءارى تانىتسا ەكەن دەيدى. كاسىبى ورلەسە، زاۋىت اشۋعا نيەتتى.
ءالينۇر جەڭىس، كاسىپكەر: - بەتكە ۇستار ۆيزيتكا دەيدى عوي، سونداي بولسا ەكەن دەيمىن. ويتكەنى شەتەلدە كوپتەگەن كىسىلەر كەلەدى دە ايتادى. سىزدەردە شوكولاد پەن بالدان باسقا نارسە جوق اۋەجايدا دەپ. سوندىقتان مەن اۋەجايلارعا كىرگىم كەلەدى. ءبىزدىڭ ەلدىڭ ونىمدەرى دە، باسقا برەندتەر ەمەس، ۇلتتىق ناقىشتاعى ونىمدەر بار ەكەنىن.
كاسىپكەردىڭ ماقسات-مۇراتى مۇنىمەن شەكتەلمەيدى. حالىقارالىق ستاندارتقا ساي ۇلكەن بالاباقشا اشۋدى كوزدەيدى. باستىسى، كاسىپ باستاۋعا نيەت بولسا، ەلدە بۇعان بارلىق جاعداي جاسالعان، - دەيدى.
يستوچنيك: https://24.kz/kz/zha-aly-tar/o-am/item/634811-aza-yzy-ytajda-tanyldy
قولدانىلعان ماتەريالدارعا مىندەتتى تۇردە www.24.kz سايتىنا گيپەرسىلتەمە بەرىلۋى ءتيىس