باعا جەتپەس رۋحاني قۇندىلىق
بۇگىن الماتىدا قازاق پەن كلۋبى جارىققا شىعارعان كىتاپتاردى ۇلتتىق كىتاپحاناعا سىيعا تارتۋ اكسياسى ءوتتى، دەپ حابارلايدى Almaty-akshamy.kz.
قازاق پەن كلۋبىنىڭ بۇل ادەبي جوباسى - ۇلتتىق ادەبيەتىمىزدى الەم جۇرتشىلىعىنا ناسيحاتتاۋ جانە ىلگەرىلەتۋ ماقساتىندا قازاق ادەبيەتىنىڭ دامۋىنا ولشەۋسىز ۇلەس قوسقان جازۋشىلاردىڭ، قازاق كلاسسيكتەرىنىڭ شىعارماشىلىق مۇراسىن اعىلشىن تىلىنە اۋدارىپ، وقىرماندارعا ۇسىنۋ.
كىتاپحانا قورىنا قازاق كلاسسيكتەرى مەن اقىن-جازۋشىلارىنىڭ، سونىڭ قاتارىندا بەردىبەك سوقپاقبايەۆتىڭ «مەنىڭ اتىم قوجا» رومانى، ءابىش كەكىلبايەۆتىڭ «اڭىزدىڭ سوڭى» ولجاس سۇلەيمەنوۆتىڭ «ءسوز شيفرى»، مۇقاعالي ماقاتايەۆتىڭ «تاڭدامالى پوەزياسى»، سماعۇل ەلۋبايدىڭ «جالعىز سەنىڭ»، ابايدىڭ «GHAQLIA»، مۇحتار اۋەزوۆتىڭ «تاڭداعى ارۋ» شىعارمالارى، گەرولد بەلگەردىڭ، قاجىعالي مۇحانبەتقالييەۆ، قاليحان ىسقاقوۆ، ۇلىقبەك ەسداۋلەتوۆ، سەرىك اقسۇڭقار ۇلى، بيگەلدى ءعابدۋلليننىڭ اقش پەن انگليادا اعىلشىن تىلىنە اۋدارىلىپ، جارىق كورگەن كىتاپتارى سىيعا تارتىلدى. بۇل كىتاپتاردىڭ كىتاپحانا قورىنان لايىقتى ورىن الىپ، سان مىڭداعان وقىرماندار ءۇشىن باعا جەتپەس رۋحاني قۇندىلىق بولاتىنى ءسوزسىز.
⠀
سونىمەن قاتار، جازۋشى راۋشان بۇركىتبايەۆا-نۋكەنوۆا «تابۋن لۋننىح نوچەي»، «سۆەت كوچيەۆوي زۆەزدى» اتتى كىتاپتارىن جانە تاريح عىلىمدارىنىڭ دوكتورى، پروفەسسور مۋحامبەديا اكيشيەۆ «يستوريا سيۆيليزاسيي نەپوكورنوي ستەپي» اتتى كىتاپتارىن ءوز قولتاڭبالارىمەن كىتاپحانا قورىنا سىيعا تابىستادى.
⠀
شاراعا اقىن-جازۋشىلار، زيالى قاۋىم وكىلدەرى، كىتاپحانا وقىرماندارى، كىتاپحاناشىلار قاتىستى.