قازاقستان مەن وزبەكستاننىڭ ۆيسە-پرەمەرلەرى بىرلەسكەن جوبالاردىڭ ورىندالۋىن تەكسەردى.
ق ر پرەمەر-مينيسترىنىڭ ورىنباسارى – ساۋدا جانە ينتەگراسيا ءمينيسترى سەرىك جۇمانعارين مەن ءور پرەمەر-مينيسترىنىڭ ورىنباسارى جامشيد حودجايەۆ قازاقستان پرەزيدەنتىنىڭ جەلتوقسانداعى وزبەكستانعا ساپارى اياسىندا قول قويىلعان ينۆەستيسيالىق كەلىسىمدەر مەن ساۋدا كەلىسىم-شارتتارىن ىسكە اسىرۋدى تالقىلادى، دەپ حابارلايدى اlmaty-akshamy.kz Azattyg Ruhy--نا سىلتەمە جاساپ.
تاراپتار ءبىرقاتار جوبانىڭ ورىندالۋ بارىسى قاناعاتتاندىرتىنى تۋرالى اتاپ ءوتتى. ماسەلەن، تاشكەنت وبلىسىندا مۋلتيمودالدى لوگيستيكالىق ورتالىقتىڭ قۇرىلىسى بويىنشا تەحنيكالىق-ەكونوميكالىق نەگىزدەمەنى ازىرلەۋگە شارت جاسالدى، ناۋرىز ايىنىڭ باسىندا جوبالاۋ-سمەتالىق قۇجاتتامانى ازىرلەۋگە شارتقا قول قويۋ جوسپارلانۋدا. جوبانى ىسكە اسىرۋدىڭ 2026 جىلعا دەيىنگى ءبىرىنشى كەزەڭى $70 ملن كولەمىندە ينۆەستيسيا تارتۋدى كوزدەيدى.
تاعى ءبىر پەرسپەكتيۆتى بىرلەسكەن جوبا – قازاقستان مەن وزبەكستان شەكاراسىندا «ورتالىق ازيا» حالىقارالىق ونەركاسىپتىك ىنتىماقتاستىق ورتالىعىن قۇرۋ. قاڭتار ايىنىڭ سوڭىندا تاراپتار حوكو-نىڭ ورنالاسقان جەرىن الدىن الا كەلىسىپ، نىساندى «اتامەكەن» (قازاقستان) جانە «گۇلستان» (وزبەكستان) حالىقارالىق وتكىزۋ بەكەتتەرىنىڭ ايماعىندا سالۋ بولجانىپ وتىر. ۋاعدالاستىقتاردى جاقىن ارادا بەكىتۋ جوسپارلانىپ وتىر.
«ينۆەستيسيالىق كەلىسىمگە قول قويۋدى جەدەلدەتەتىن بولامىز. جوباعا ەلەۋلى قىزىعۋشىلىق بولىپ وتىر»، — دەدى سەرىك جۇمانعارين كووپەراسيالىق جوبالاردىڭ ىسكە اسىرىلۋ بارىسىنا مونيتورينگ جۇرگىزۋ جانە يمپورتتى الماستىرۋ بويىنشا جۇيەلى جۇمىس جۇرگىزۋ جونىندەگى جۇمىس توبىنىڭ ءبىرىنشى وتىرىسىنا قاتىسۋشىلارعا.
ق ر ۆيسە-پرەمەرى وزبەك سەرىكتەستەرىنە قىرعىزستانمەن شەكارادا وسىنداي ساۋدا-لوگيستيكالىق حاب سالۋ تۋرالى ايتىپ، وزبەكستاننان كەلگەن ينۆەستورلار مەن كاسىپكەرلەردى وسى جوباعا قاتىسۋعا شاقىردى.
ءوز كەزەگىندە وزبەكستان پرەمەر-مينيسترىنىڭ ورىنباسارى جامشيد حودجايەۆ ونى بىرلەسىپ ىسكە اسىرۋعا قىزىعۋشىلىق ءبىلدىردى.
سونداي-اق كەزدەسۋدە تاراپتار الماستىرىلاتىن ءونىمدى جۇيەلى جەتكىزۋدى ۇيىمداستىرۋ ءۇشىن بىرلەسكەن سىرتقى ساۋدا كومپانياسىن قۇرۋ تۇجىرىمداماسىن بەكىتتى. جۇمىس توبىنىڭ قاتىسۋشىلارى ەنەرگەتيكا، كولىك، اۋىل شارۋاشىلىعى، ەلەكتروتەحنيكا ونەركاسىبى جانە ماشينا جاساۋ، ينفراقۇرىلىمدىق قۇرىلىس، فارماسيەۆتيكا، حيميا سالالارى سالاسىنداعى كووپەراسيالىق جانە ينۆەستيسيالىق جوبالاردىڭ ورىندالۋىن قاراستىردى. ىسكە اسىرۋ بارىسىندا ولاردىڭ كەيبىرەۋلەرى وزگەرىستەر ەنگىزۋدى تالاپ ەتتى.
كووپەراسيالىق جوبالاردىڭ ىسكە اسىرىلۋ بارىسىنا مونيتورينگ جۇرگىزۋ جانە يمپورتتى الماستىرۋ بويىنشا جۇيەلى جۇمىس جۇرگىزۋ جونىندەگى قازاق-وزبەك جۇمىس توبىنىڭ كەلەسى وتىرىسى 2023 جىلعى ناۋرىزدا شىمكەنتتە وتەدى.