قازاق حاندىعىنىڭ كارتاسى جارىق كوردى

پرەزيدەنت ورتا عاسىردا الەم باسپالارىندا جارىق كورگەن قازاق حاندىعى كارتاسىمەن تانىستى

مەملەكەت باسشىسى زاماناۋي زەرتتەۋلەر ينستيتۋتىنىڭ ديرەكتورى مۇحيت-ارداگەر سىدىقنازاروۆتى قابىلدادى، دەپ حابارلايدى Almaty-akshamy.kz اقورداعا سىلتەمە جاساپ.

كەزدەسۋدە ل.گۋميليەۆ اتىنداعى ەۋرازيا ۇلتتىق ۋنيۆەرسيتەتى زاماناۋي زەرتتەۋلەر ينستيتۋتىنىڭ ديرەكتورى، ساياسي عىلىمدار دوكتورى، پروفەسسور مۇحيت-ارداگەر سىدىقنازاروۆ پرەزيدەنتكە ءوزىنىڭ «قازاقستاننىڭ ءۇزىلىسسىز مەملەكەتتىلىگى تاريح تولقىنىندا. XVءى-XIX عاسىرلارداعى ەۋروپالىق جانە امەريكالىق كارتالارداعى قازاق مەملەكەتى» اتتى جاڭا ەڭبەگى تۋرالى باياندادى.

ونىڭ ايتۋىنشا، 1465 جىلى قازاق حاندىعى قۇرىلعان كەزدەن بەرى مەملەكەت اتاۋى باتىس ەلدەرىنىڭ وزىق كارتوگرافيالىق باسپالارىنان شىققان اتلاس كارتالارىنان قالىس قالىپ كورمەگەن.

ولاردىڭ اراسىندا امەريكا قۇراما شتاتتارى، بەلگيا، انگليا، فرانسيا، يتاليا، گەرمانيا جانە باسقا دا مەملەكەتتەردە باسىلعان كارتالار بار.

اتالعان ەڭبەكتە مەملەكەتتىگىمىز انىق كورسەتىلگەن جانە ورتا عاسىرلاردان، ياعني 1562 جىلدان باستاپ 1879 جىلعا دەيىنگى كەزەڭ قامتىلعان.

بارلىعى – 130 كارتا.

اۆتور كىتاپتىڭ بەلگيا باسپاسىنان شىعۋىن بەلگيالىق، نيدەرلاندىق كارتوگرافتار قازاق مەملەكەتتىلىگىن العاشقىلاردىڭ ءبىرى بولىپ كارتاعا تۇسىرۋمەن بايلانىستىرادى.

قاسىم-جومارت توقايەۆ مۇحيت-ارداگەر سىدىقنازاروۆتىڭ ەڭبەگىنە جوعارى باعا بەرىپ، ەلىمىزدىڭ بارلىق وڭىرىندە جانە حالىقارالىق ءىس-شارالاردا ارنايى كورمەلەر ۇيىمداستىرۋ قاجەت ەكەنىن ايتتى.