ەۋروپارلامەنتپەن ارىپتەستىك ارتىپ كەلەدى
بريۋسسەلدە قازاقستاندىق دەپۋتاتتار ەۋروپارلامەنتتەگى ارىپتەستەرىمەن كەزدەستى، دەپ حابارلايدى Almaty-akshamy.kz. 24.kz-كە سىلتەمە جاساپ.
جيىندا قازاقستان مەن ەۋرووداق اراسىنداعى كەڭەيتىلگەن سەرىكتەستىك پەن ىنتىماقتاستىق تۋرالى كەلىسىمدى ىسكە اسىرۋ جايى تالقىلاندى. سونداي-اق كوروناۆيرۋس پاندەمياسىمەن كۇرەستە تاجىريبە الماستى.
بۇدان بولەك، تاراپتار ىندەتتەن كەيىن قازاقستان مەن ەۋرووداقتا جۇرگىزىلىپ جاتقان الەۋمەتتىك-ەكونوميكالىق رەفورمالار جايىن ءسوز ەتتى.
«ءبىرىنشى كەزەكتە، تاجىريبە الماسۋ جاعى ءسوز بولدى. ءبىز پرەزيدەنت قاسىم-جومارت توقايەۆ باستاماشى بولعانى رەفورمالار تۋرالى، پارلامەنتتىڭ اتالعان رەفورمالاردى زاڭنامالىق تۇرعىدا جۇزەگە اسىرىلۋىن قالاي قامتاماسىز ەتىپ جاتقانى تۋرالى، ۇلتتىق قوعامدىق سەنىم كەڭەسى تۋرالى ايتتىق. سونىمەن قاتار، ءبىز حالىقارالىق ساياسات ماسەلەلەرى سونىڭ ىشىندە اۋعانستان جونىندە سويلەستىك. بۇعان قوسا، ءبىزدىڭ پاندەميامەن كۇرەسۋدەگى تاجىريبەمىز دە ارىپتەستەرىمىزدىڭ قىزىعۋشىلىعىن تۋدىردى. «اشىق» جۇيەسى ولاردى قاتتى تاڭقالدىردى»، - دەدى ق ر پارلامەنتى ءماجىلىسىنىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ ءتورايىمى ايگۇل قۇسپان.
ورتالىق ازيا ەلدەرىمەن ىنتىماقتاستىق جونىندەگى ەۋروپارلامەنت دەلەگاسياسىنىڭ باسشىسى فۋلۆيو مارتۋشەللو، قازاقستان ەۋرووداق ءۇشىن ورتالىق ازياداعى سەنىمدى جانە ماڭىزدى سەرىكتەس بولىپ تابىلاتىنىن ايتتى.
«سىزدەردىڭ ەلدەرىڭىزبەن اراداعى قارىم-قاتىناسىمىز وتە جاقسى. قازاقستان ەۋرووداق ءۇشىن ورتالىق ازياداعى سەنىمدى جانە ماڭىزدى سەرىكتەس بولىپ تابىلادى. بۇگىن ءبىز قازاقستان پارلامەنتىنىڭ دەلەگاسياسىمەن كەزدەسىپ، ىنتىماقتاستىعىمىزدى تالقىلادىق. كوپتەگەن ەۋروپالىق كاسىپكەرلەر قازاقستاندا جاقسى ينۆەستيسيالىق جاعداي جاسالعانىن ايتادى. جالپى، ءبىزدى بۇگىندە اۋعانستانداعى احۋال قاتتى الاڭداتادى. سوندىقتان ەۋرووداق پەن قازاقستان ءۇشىن تەرروريزممەن جانە ەسىرتكى بيزنەسىمەن كۇرەستە، ونىڭ ىشىندە شەكارالىق باقىلاۋدا بىرلەسە جۇمىس ىستەۋ وتە ماڭىزدى»، - دەدى ول.