نۇرسۇلتان امانجولوۆ كاسىپقوي بوكستاعى ءتورتىنشى جەڭىسىنە قول جەتكىزدى
قازاقستاندىق بوكسشى نۇرسۇلتان امانجولوۆ (3-0، 2 كو) پروفي-رينگتە ءۇشىنشى ايقاسىن وتكىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
Sports.kz پورتالىنىڭ مالىمەتىنشە، نۇرسۇلتان الماتىدا وتكەن بوكس كەشىندە ونەر كورسەتىپ، ۋكراينالىق سەمەن پاحوموۆپەن (2-16، 2 كو) قولعاپ ءتۇيىستىردى.
سۋپەراۋىر سالماقتاعى جەكپە-جەك التى راۋندقا ەسەپتەلگەن بولاتىن. الايدا، سوڭعى مەجەسىنە دەيىن جەتكەن جوق. ءۇشىنشى راۋندتا ن.امانجولوۆ شاپشاڭ كومبيناسيا جاساپ، ونى وپپونەنتىنىڭ باۋىر تۇسىنا قاتتى سوققىمەن اياقتادى.
اۋىر نوكاۋتقا تۇسكەن س.پاحوموۆ ۇزاق ۋاقىتقا دەيىن ەسىن جيا الماي جاتتى.
وسىلايشا، نۇرسۇلتان امانجولوۆ كاسىپقوي بوكستاعى ءتورتىنشى جەڭىسىنە قول جەتكىزدى. ال سەمەن پاحوموۆ 17ء-ىنشى رەت جەڭىلىس تاپتى.