بوكسشىمىز توپ جاردى.
ەلىمىزدىڭ قاراعاندى قالاسىندا كاسىپقوي بوكستىڭ كەشى ءوتتى. ەرەسەكتەر اراسىندا 2017 جىلعى الەم چەمپيونى قايرات ەرالييەۆ پرو-رينگتەگى دەبيۋتتى جەكپە-جەك وتكىزدى، دەپ حابارلايدى Almaty-akshamy.kz Prosports.kz-كە سىلتەمە جاساپ.
شارشى الاڭدا قايرات وزبەكستاندىق باحيت ابدۋراحيموۆپەن (10-14، 4 كو) كەزدەستى. جەڭىل سالماقتاعى ءتورت راۋندتىق جەكپە-جەكتە جەرلەسىمىز تورەشىلەر شەشىمىمەن جەڭىسكە جەتتى.
سونداي-اق، قاراعاندىدا وتكەن بوكس كەشىندە اۋەسقويلار اراسىنداعى قازاقستاندىق الەم چەمپيونى سابىرجان اققالىقوۆ تا العاشقى كەزدەسۋىن وتكىزدى. ءتورت راۋندقا جوسپارلانعان جەكپە -جەكتە ول وزبەكستان وكىلى تۋرسىنبوي ابدۋللاكيموۆتى (13-8) تەحنيكالىق نوكاۋتپەن ۇتتى.