12 جەلتوقساندا استانا-اقتوبە باعىتى بويىنشا QAZAQ AIR اۋە كومپانياسىنىڭ IQ 399 رەيسى استانانىڭ ايازىنا بايلانىستى ۇشا الماي قالدى.
"قوزعالتقىشتاعى مايدىڭ تۇتقىرلىعى جوعارى بولعاندىقتان، ىسكە قوسۋ تۋربيناسى قاجەتتى قارقىن الا المادى، سوندىقتان قوزعالتقىش ىسكە قوسىلمادى. مۇنداي جاعدايلاردا اۋەجاي امبەباپ موتور جىلىتقىشىن ۇسىنادى. استانا اۋەجايىندا قاجەتتى تەحنيكانىڭ جەتىسپەۋىنە بايلانىستى ۇشاقتىڭ قوزعالتقىشىن ىسكە قوسۋ ءۇشىن ۇزاق ۋاقىت قاجەت بولدى. كەلتىرىلگەن قولايسىزدىقتار ءۇشىن جولاۋشىلاردان كەشىرىم سۇرايمىز"، - دەپ حابارلادى اۋە كومپانياسى.