Qazaq Air (Vietjet Qazaqstan) اۋە كومپانياسى استانادان بىشكەك پەن سامارقاندتقا تىكەلەي ەكى جاڭا حالىقارالىق باعىت اشۋدا. ورتالىق ازياداعى باعىتتارىن كەڭەيتۋ باستاماسى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ تۇركى ەلدەرى اراسىنداعى بايلانىستاردى دامىتۋ ارقىلى ءتۋريزمدى، ساۋدانى، ءبىلىم بەرۋ مەن مادەني ىنتىماقتاستىقتى كۇشەيتۋ جونىندەگى ستراتەگيالىق باستاماسىمەن ۇندەس كەلەدى.
2025 جىلعى 7 قاراشادان باستاپ استانا – سامارقاند – استانا باعىتى بويىنشا(اپتاسىنا 2 رەت – جۇما جانە جەكسەنبى)، ال 10 قاراشادان باستاپ استانا – بىشكەك – استانا (اپتاسىنا 2 رەت – دۇيسەنبى جانە بەيسەنبى) باعىتى بويىنشا تىكەلەي رەيستەردى ورىندالادى.
استاناداعى حاب ارقىلى اۋە كومپانياسى جولاۋشىلارعا بىشكەككە، سامارقاندقا، ومبى مەن نوۆوسىبىرگە، سونداي-اق قازاقستاننىڭ ءتۇرلى وڭىرلەرىنە ىڭعايلى رەيستەردى ۇسىنادى.
جاڭا اۋە باعىتتار ايماقتىڭ ىسكەرلىك، تۋريستىك جانە مادەني بايلانىستارىن دامىتۋعا مۇمكىندىك بەرەتىن بولادى.