وندا الەمگە تانىمال سۋرەتشىلەردىڭ تۋىندىلارى قويىلعان.
بۇرىن ءدال وسى كارتينالاردى كورۋ ءۇشىن ونەرگە قۇشتار جاندار شەتەل اساتىن. ءقازىر زاماناۋي مۋزەي جۇرتشىلىقتىڭ سۇرانىسىنا قاراي ءارتۇرلى تاقىرىپتا كورمە ۇيىمداستىرادى، - دەپ حابارلايدى Aqshamnews.kz.
مۋزەيدىڭ ورتالىق الاڭى «ونەر كوشەسى» دەپ اتالادى. توبەسى شىنىدان. قابىرعاسىنىڭ بيىكتىگى 18 مەتر. بريتاندىق Chapman Taylor بيۋروسىنىڭ ساۋلەتشىلەرى شارىن شاتقالىن كورىپ، ودان شابىت العان. 10 000 شارشى مەتر اۋماقتا وتاندىق جانە شەتەلدىك سۋرەتشىلەردىڭ 700 تۋىندىسى قويىلعان. جاقىن ارادا مۇندا پاريج، نيۋ-يورك جانە ورتالىق ازيا ونەرتانۋشىلارىنىڭ قاتىسۋىمەن شەبەرلىك ساباقتارى جانە كەزدەسۋلەر وتەدى.
اديسا كين، ALMATY MUSEUM OF ARTS قوعاممەن بايلانىس جونىندەگى مەنەدجەرى:
- الەمدىك جۇمىستاردى قازاقستانعا الىپ كەلىپ ءبىزدىڭ ءوزىمىزدىڭ قاراپايىم قازاقتاردىڭ بالالارى سونى 2 مىڭ 500 تەڭگەگە كەلىپ كورە الاتىنى. ياەي كۋساما دەگەن سۋرەتشى بار. ياەي كۋساما ول دۇنيە جۇزىلىك جۇمىستارى ەڭ قىمبات سۋرەتشى. ول 96 جاستا جاپونيادا تۇرىپ جاتىر. سونىڭ جۇمىسىن كورۋ ءۇشىن بۇرىن پاريجعا باراتىن ەدى ادامدار. لوندونعا باراتىن ەدى. توكيوعا، نيۋ-يوركقا باراتىن. ءقازىر قاراپايىم قازاقتىڭ بالاسى مەكتەپتەن شىعىپ 500 تەڭگەگە كەلىپ كورە الادى.
دەمالىس كۇندەرى مۋزەيگە كىرۋ ءۇشىن الماتىلىقتار مەن قالا مەيماندارى ساعاتتاپ كەزەكتە تۇرادى. سالا ماماندارىنىڭ ايتۋىنشا، بۇل ونەرگە دەگەن ماحاببات پەن مادەني ومىردەگى شىنايى بەتبۇرىستى بىلدىرەدى.