قىتايدان سۇرانىس تۇسكەن.
ءتاتتى شىعاراتىن سەح تاۋلىگىنە 400 توننا ءونىم دايىندايدى. جالپى، بىلتىر قىزىلوردا وبلىسىنان 50 مىڭ توننادان استام اۋىل شارۋاشىلىعى ءونىمى، الەمنىڭ 21 ەلىنە ەكسپورتتالدى، دەپ حابارلايدى Almaty-akshamy.kz 24.kz-كە سىلتەمە جاساپ.
ونىڭ جالپى قۇنى 28 ميلليون دوللار بولدى. سونىڭ ىشىندە قازالى اۋدانىندا وندىرىلگەن 3 مىڭ توننادان استام ءونىم ەۋروپانىڭ 6 مەملەكەتىنە ساتىلعان. ونىڭ ىشىندە كۇرىش، بالىق ونىمدەرىمەن قاتار شي-قامىس تا بار. اۋدان كاسىپكەرلەرى ىشكى نارىقتان بولەك، شەتەلگە تاۋار شىعارۋ باعىتىنا باسىمدىق بەرىپ وتىر.
«ايىنا 3-4 توننادان ەكسپورتتاعىسى كەلىپ وتىر. بۇل باستاپقى ونىمدەرىنە. قازىرگى تاڭدا سەحتىڭ قاسىنان تاعى ءبىر سەح اشىپ، جۇمىس كولەمىن ۇلعايتىپ جانە جۇمىسسىزدىقتى جويۋ جونىندە تاعى 20 ادام العىسى كەلىپ وتىر»، - دەيدى قازالى اۋداندىق كاسىپكەرلىك، ونەركاسىپ جانە تۋريزم ءبولىمىنىڭ باسشىسى اقتىلەۋ ءبورىقۇلوۆ.