«بايتەرەك» ۇلتتىق ينۆەستيسيالىق حولدينگىنىڭ كومپانيالار توبىنا كىرەتىن «قازاگروقارجى» اق كومپانيا كليەنتتەرى ءۇشىن ەسەپتەلگەن ءوسىمپۇلدار مەن ايىپپۇلداردى ەسەپتەن شىعارۋ اكسياسىن ىسكە قوسادى.
اكسيا قارىز الۋشىلاردىڭ بارلىعىنا قولدانىلادى، - دەپ حابارلايدى Aqshamnews.kz.
اكسيا 2026 جىلعى 15 قاڭتاردان باستاپ 1 ناۋرىزدى قوسا العاندا قولدانىستا بولادى.
اكسيا شەڭبەرىندە «قازاگروقارجى» قارجى ليزينگى شارتتارى بويىنشا اقشالاي مىندەتتەمەلەردى ۋاقىتىلى ورىنداماعانى ءۇشىن ەسەپتەلگەن تۇراقسىزدىق ايىبىنىڭ 100%-ىن ەسەپتەن شىعارادى.
شاراعا قاتىسۋدىڭ نەگىزگى شارتى - قارجىلاندىرۋ شارتى بويىنشا نەگىزگى بورىش پەن سىياقىنى اكسيانىڭ قولدانىلۋ مەرزىمى اياقتالعانعا دەيىن تولىق وتەۋ. بۇل رەتتە اكسيانى وتكىزۋدىڭ بۇكىل كەزەڭى ىشىندە بەرەشەكتى ءىشىنارا تولەمدەرمەن وتەۋگە مۇمكىندىك بەرىلەدى.
سونداي-اق مىندەتتەمەلەرى بويىنشا بۇرىن سوت شەشىمدەرى شىعارىلعان كليەنتتەرگە دە، ولار سوت شەشىمى بويىنشا بەرەشەك سوماسىن تولىق وتەگەن جاعدايدا قولدانىلادى (اكسيا شەڭبەرىندە ەسەپتەن شىعارۋعا جاتاتىن ءوسىمپۇلدى قوسپاعاندا).
اكسياعا قاتىسۋ ءۇشىن قارىز الۋشىلار وزىنە قىزمەت كورسەتەتىن «قازاگروقارجى» اق فيليالىنا وتىنىشپەن جۇگىنۋى قاجەت.
فيليالداردىڭ بايلانىس تەلەفوندارى مەن مەكەنجايلارى www.kaf.kz سايتىندا كورسەتىلگەن.
Call-ورتالىعى: +7 (7172) 557-755، 9077، 1408.