الماتى وبلىسىنىڭ كوپبەيىندى كلينيكالىق اۋرۋحاناسىندا كوپ اعزالىق دونورلىق پروسەسس جۇرگىزىلدى.
دارىگەرلىك كونسيليۋمنىڭ قورىتىندىسى بويىنشا 1979 جىلى تۋعان پاسيەنتتە ميدىڭ ءولىمى انىقتالدى. تۇسىندىرمە اڭگىمەدەن كەيىن تۋىستارى قايتىس بولعاننان كەيىنگى دونورلىققا كەلىسىم بەرۋ تۋرالى شەشىم قابىلدادى.
بارلىق كەزەڭدەردى ۇيىمداستىرۋدى جانە ۇيلەستىرۋدى ترانسپلانتاتتاۋدى جانە جوعارى تەحنولوگيالىق مەديسينالىق قىزمەتتەردى ۇيلەستىرۋ جونىندەگى رەسپۋبليكالىق ورتالىق قامتاماسىز ەتتى. دونورلىق پروسەسس بارىسىندا ەكى بۇيرەك، جۇرەك، باۋىر جانە ءمولدىر قابىق الىندى.
بارلىق دونورلىق اعزالار بەيىندى مەديسينالىق ۇيىمدارعا جەدەل جەتكىزىلدى. جۇرەك، باۋىر، بۇيرەك جانە ءمولدىر قابىقتى ترانسپلانتاتتاۋ ءساتتى اياقتالدى. مەديسينالىق كومەك پاسيەنتتەرگە، ونىڭ ىشىندە رەسپۋبليكالىق كۇتۋ پاراعىندا تۇرعان بالاعا كورسەتىلدى.
دەنساۋلىق ساقتاۋ مينيسترلىگى تۋىستارىنا كورسەتكەن باتىلدىعى مەن باسقا ادامداردىڭ ءومىرىن ساقتاپ قالۋعا قوسقان ۇلەسى ءۇشىن شىن جۇرەكتەن العىس بىلدىرەدى.
2025 جىلدىڭ سوڭىنداعى جاعداي بويىنشا قازاقستاندا ترانسپلانتاتتاۋدى كۇتۋ پاراعىندا 4 506 پاسيەنت، ونىڭ ىشىندە 123 بالا بار. باسىم كوپشىلىگى - 90%-دان استامى - بۇيرەكتى ترانسپلانتاتتاۋدى قاجەت ەتەدى.