جامبىل وبلىسى اكىمدىگىنىڭ حابارلاۋىنشا، توتەنشە جاعداي كەزىندە جامبىل وبلىسىنىڭ اۆتوجولدارىندا قار قۇرساۋىندا قالعان 5000-عا جۋىق ادام قۇتقارىلدى.
قۇتقارۋ شارالارىنا جەرگىلىكتى اتقارۋشى ورگاندار، توتەنشە جاعدايلار مينيسترلىگى، پوليسيا دەپارتامەنتىنىڭ كۇشتەرى، قورعانىس مينيسترلىگىنىڭ اسكەريلەرى مەن جول قىزمەتكەرلەرى قاتىستى، دەپ حابارلايدى اlmaty-akshamy.kz.
ادام شىعىنىنا قاتىستى اقپارات تىركەلگەن جوق.
"قۇرمەتتى تۇرعىندار، سىزدەردەن تەك رەسمي اقپاراتتارعا سەنۋلەرىڭىزدى سۇرايمىز! الەۋەمەتتىك جەلىلەردە (بەلگىلى پاراقشالاردا) تارالىپ جاتقان جامبىل وبلىسىندا تابيعي سيپاتتاعى توتەنشە جاعداي كەزىندە قازا تاپقانداردىڭ ءتىزىمى تۋرالى اقپارات شىندىققا جاناسپايدى"، دەلىنگەن حابارلامادا.
سونداي-اق وبلىستىق اكىمدىك ق ر قىلمىستىق كودەكسىنىڭ 274-بابى بويىنشا كورىنەۋ جالعان اقپارات تاراتقانى ءۇشىن جازا قاراستىرىلعانىن ەسكە سالادى