اسىراۋشىسىنان ايرىلۋىنا بايلانىستى جاردەماقى تاعايىندالادى.
2023 جىلعى 28 قازان كۇنى كوستەنكو شاحتاسىندا بولعان اپات سالدارىن جويۋ جونىندەگى جەدەل شتاب وتىرىسىندا ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا قازا تاپقان كەنشىلەردىڭ وتباسىنا قانداي الەۋمەتتىك كومەك كورسەتىلەتىنىن ايتتى، دەپ حابارلايدى Almaty-akshamy.kz
ءمينيستردىڭ سوزىنشە، قازا تاپقان ازاماتتاردىڭ وتباسىنا اسىراۋشىسىنان ايرىلۋىنا بايلانىستى جاردەماقى تاعايىندالادى.
"ول رەسپۋبليكالىق بيۋدجەتتەن، الەۋمەتتىك ساقتاندىرۋ قورىنان جانە ءومىردى ساقتاندىرۋ كومپانياسىنان تولەنەدى. جاردەماقى كولەمىنىڭ جالپى ورتاشا مولشەرى اسىراۋىنداعى ادامدار 18 جاسقا تولعانعا دەيىن اي سايىن 400-500 مىڭ تەڭگەدەن باستالادى. ەگەر بالالار جوعارى وقۋ ورىندارىندا ءبىلىم الىپ جاتقان بولسا، وندا 23 جاسقا دەيىن تولەنەدى"، دەدى ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا.
ول ازىرگە بارلىق تولەمدى وتەۋ "ارسەلورميتتال تەمىرتاۋ" كومپانياسىنا جۇكتەلەتىنىن قوسا ايتتى.
"كاسىپورىن ۇجىمدىق شارتقا سايكەس جىلدىق تولەم تاۋەكەلدەرىن تولەۋگە مىندەتتى. "ارسەلورميتتال تەمىرتاۋ" كومپانياسى جەرلەۋ راسىمدەرىنە بايلانىستى بارلىق شىعىندى، سونداي-اق بالالاردى جوعارى وقۋ ورىندارىندا وقىتۋدى ءوز موينىنا الۋعا ءتيىس"، – دەدى سۆەتلانا جاقىپوۆا.