بۇدان بۇرىن الماتىنىڭ باس سانيتارىنىڭ كارانتيندىك جاڭا ەرەجەلەرگە بايلانىستى قاۋلىسى شىققانىن حابارلاعانبىز.
ءبىر تاۋلىك ىشىندە جاڭا كارانتين شەكتەۋلەرىنە بايلانىستى Ashyq جوباسىنىڭ جاڭا قاتىسۋشىلارىنىڭ سانى ەكى ەسەگە ارتىپ، 46 مىڭ قولدانۋشىعا جەتتى، دەپ حابارلايدى Almaty-akshamy.kz «اتامەكەن» ۇكپ باسپا ءسوز قىزمەتىنە سىلتەمە جاساپ.
2021 جىلعى 28 شىلدەدەگى مالىمەت بويىنشا، جوبادا 23 مىڭ كاسىپكەر جۇمىس ىستەدى. سول كۇنى 3 754 ءوتىنىم وڭدەلدى. 2021 جىلدىڭ 29 شىلدەسىندە 22 138 كاسىپكەر QR – كود الدى. 30 شىلدەگە قاراعان تۇندە قوسىمشا 584 ءوتىنىم وڭدەلدى.
ءوتىنىم بەرۋ جانە QR الۋ ءتارتىبىن وزگەرتۋدىڭ ارقاسىندا كاسىپكەر ءۇشىن جوباعا كىرۋ ايتارلىقتاي جىلدام بولىپ وتىر. بيزنەستىڭ 100-گە جۋىق سالاسى: ساۋدا ويىن-ساۋىق ورتالىقتارى، بازارلار، قوعامدىق كولىك، ساناتورييلەر، قوناقۇيلەر، مەيرامحانالار، ءبىلىم بەرۋ ۇيىمدارى جۇمىس ىستەۋگە مۇمكىندىك الدى.
Ashyq جوباسىن پايدالانۋشىلار سانى 4 ميلليوننان استى. شىلدە ايىنىڭ باسىنان باستاپ جوباعا ەرىكتى رەتىندە (جەڭىلدىكسىز) ءىرى ساۋدا ويىن-ساۋىق ورتالىقتارى مەن جابىق بازارلار كىردى. وسىلايشا 654 ءىرى ساۋدا ويىن-ساۋىق ورتالىعى مەن جابىق بازاردىڭ كىرىپ، ساۋدا سۋبەكتىلەرىن قامتۋ 200 مىڭنان استام ادامعا كوبەيدى.
Ashyq ۆيرۋس جۇقتىرعان جانە بايلانىستا بولعان ادامداردى ءجيى انىقتاي باستادى ( 5 شىلدەدە 167 «قىزىل» ستاتۋس بولسا، 16 شىلدە بۇل كورسەتكىش 461-گە جەتتى). جوبا باستالعاننان بەرى كارانتين تالابىن بۇزعان 26 مىڭنان استام ادام انىقتالدى (15،4 مىڭنان استام «قىزىل» جانە 10،7 مىڭنان استام «سارى»). اۋرۋدىڭ الدىن الۋ جاعدايلارىنىڭ سانى 55 مىڭنان اسادى.