ستاسيونار 150 ناۋقاسقا ارنالعان، بۇل رەتتە مەديسينالىق مەكەمەدە سوماتيكالىق پاتولوگياسى بار اسكەري قىزمەتشىلەردى، سونداي-اق اسكەري-دارىگەرلىك جانە دارىگەرلىك-ۇشقىشتار ساراپتاماسىن جۇرگىزۋ ءۇشىن 100 ورىن ساقتالادى.
قازاقستان رەسپۋبليكاسى قورعانىس مينيسترلىگى باسپا ءسوز قىزمەتىنىڭ مالىمدەۋىنشە، كوروناۆيرۋستىق ينفەكسيامەن اۋرۋدىڭ ۇلعايۋىنا بايلانىستى الماتى قالاسىنداعى قورعانىس مينيسترلىگىنىڭ اسكەري كلينيكالىق گوسپيتالى ينفەكسيالىق ستاسيونار رەتىندە ورىستەتىلدى، دەپ حابارلايدى Almaty-akshamy.kz
قالىپتاسقان جاعدايدا اسكەري دارىگەرلەر ازاماتتاردى گوسپيتالعا جاتقىزۋ جانە بىلىكتى مەديسينالىق كومەك كورسەتۋ ءۇشىن قولدا بار رەسۋرستاردى جۇمىلدىردى.
«ءبىزدىڭ اسكەري گوسپيتال ەكىنشى ەشەلونعا جاتادى. سوندىقتان ينفەكسيالىق ستاسيونارعا ورتاشا اۋىر جانە اۋىر ناۋقاستار جاتقىزىلاتىن بولادى. جەكە قۇرام بۇل جاعدايعا دايىن. ءبىزدىڭ مەديسينالىق پەرسونالدىڭ كوروناۆيرۋستىق ينفەكسيامەن اۋىراتىن ناۋقاستاردى ەمدەۋ ىسىندە تاجىريبەسى بار. ول ءۇشىن بىزدە ءوجج جانە گەمودياليز اپپاراتتارىمەن جابدىقتالعان رەانيماسيا بولىمشەسى، سونداي-اق قاجەتتى دارى-دارمەك بار»، – دەپ ءتۇسىندىردى الماتى قالاسىنداعى اسكەري كلينيكالىق گوسپيتال باستىعىنىڭ مىندەتىن ۋاقىتشا اتقارۋشى، مەديسينا قىزمەتىنىڭ پودپولكوۆنيگى ابدۋۆالي پالتۋشيەۆ.
2020 جىلعى ساۋىردەن باستاپ ازاماتتىق تۇرعىندارعا كومەك كورسەتۋ ءۇشىن اسكەري گوسپيتال دارىگەرلەرى ەكى رەت تارتىلعانىن ەستەرىڭىزگە سالا كەتەيىك. ناتيجەسىندە 1 430 ادام، ونىڭ شامامەن 30 %ء-ى اۋىر جانە اسقىنعان دەڭگەيدەگى پاسيەنت ەمدەلىپ شىقتى.