ءقاۋىپتى شارلاردى ساتۋدىڭ سوڭى قىلمىستىق جاۋاپكەرشىلىككە جۇكتەۋى مۇمكىن

قازاقستاندا كوڭىل كوتەرۋگە پايدالانىلاتىن گازعا تىيىم سالىنادى.

ىشكى ىستەر مينيسترلىگى ازوت وكسيدىنە تولعان شارلاردى ساتۋ ءۇشىن قىلمىستى جاۋاپكەرشىلىكتى ەنگىزۋدى جوسپارلاپ وتىرعانىن مالىمدەدى، دەپ حابارلايدى Almaty-akshamy.kz.

ءتيىستى ءبولىم وسىدان ءۇش جىل بۇرىن بۇل زات كۇشتى اسەر ەتەتىن زاتتاردىڭ تىزىمىنە ەنگىزىلگەنىن، ءبىراق بۇل گازدىڭ تاراۋىنا كەدەرگى ەمەس ەكەنىن باسا ايتتى. بۇل تۋرالى كتك تەلەارناسىندا ايتىلدى.

سوندىقتان ىشكى ىستەر مينيسترلىگى ەندى شار ىشىندەگى گازدىڭ اينالىمىن زاڭنامالىق دەڭگەيدە باقىلاۋعا الماق.

«زاڭناماعا ءتيىستى وزگەرتۋلەر ەنگىزىلىپ جاتىر. بىزدە كۇشتى اسەر ەتەتىن زاتتار ءۇشىن جاۋاپكەرشىلىك قاراستىرىلماعان. سوندىقتان بۇگىندە ءماجىلىس كۇشتى اسەر ەتەتىن زاتتاردىڭ زاڭسىز اينالىمى ءۇشىن قىلمىستىق جاۋاپكەرشىلىكتى قاراستىراتىن زاڭ جوباسىن ازىرلەپ جاتىر. ءبىراق ول تىزىمدە بار. مەنىڭ ويىمشا. جاقىن ارادا بۇل ءۇشىن قىلمىستىق جاۋاپكەرشىلىك تۋىندايدى، اينالىمدار بولادى»، - دەپ ءتۇسىندىردى ق ر ءىىم دەپارتامەنتى باستىعىنىڭ ورىنباسارى باقىتجان ءامىرحانوۆ.

قازاقستاندا بىرنەشە جىلدان بەرى ازوت وكسيدى ("كوڭىل-كۇي گازى" نەمەسە "شاريك-كۋماريك" دەپ اتالادى) ينتەرنەتتە جانە كەيبىر تۇنگى كلۋبتاردا "مۇلدەم زيانسىز" ءونىم رەتىندە شار تۇرىندە اشىق ساتىلىپ كەلەدى.

دارىگەرلەردىڭ ايتۋىنشا، ازوت وكسيدىن تازا كۇيىندە تۇتىنۋ وتە ءقاۋىپتى جانە ادام دەنساۋلىعىنا اۋىر زيان كەلتىرەدى.