«قازگيدرومەت» رمك 22 قاراشادا كۇن رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى almaty-akshamy.kz.
استانا قالاسىندا 16-21 م/س ەكپىندە جەل سوعادى. 23 قاراشادا جەلدىڭ كۇشى كەي ۋاقىتتا 23-28 م/س جەتىپ، كوكتايعاق كۇتىلەدى.
باتىس قازاقستان وبلىسىنىڭ باتىسى مەن سولتۇستىگىندە قاتتى جاۋىن-شاشىن (جاڭبىر، قار)، كوكتايعاق كۇتىلەدى. جەلدىڭ ەكپىنى 23-28 م/س جەتەدى.
ۇلىتاۋ وبلىسىنىڭ سولتۇستىگى مەن شىعىسىندا كوكتايعاق كۇتىلەدى. وڭتۇستىك-شىعىستان سوعاتىن جەل وڭتۇستىك-باتىسقا اۋىسىپ، وبلىستىڭ باسىم بولىگىندە كۇشى 15-20 م/س، تۇندە كەي ۋاقىتتا 25 م/س قۇرايدى.
قىزىلوردا وبلىسىندا جەلدىڭ جىلدامدىعى 25 م/س جەتۋى ىقتيمال.
تۇندە جانە تاڭەرتەڭ جەتىسۋ وبلىسىنىڭ تاۋلى اۋداندارىندا تۇمان كۇتىلەدى. وڭتۇستىك-شىعىستاڭ جەل سوعادى، الاكول كولدەرى اۋدانىندا ەكپىنى 23-28 م/س ارتۋى مۇمكىن.
اقتوبە وبلىسىنىڭ باتىسى مەن سولتۇستىگىندە كوكتايعاق بولادى. كۇندىز وبلىستىڭ باتىسى مەن سولتۇستىگىندە بۇرقاسىن كۇتىلەدى. وڭتۇستىك-شىعىستان سوعاتىن جەل وڭتۇستىك-باتىسقا اۋىسىپ، وبلىستىڭ باتىسىندا، وڭتۇستىگىندە ەكپىنى 23-28 م/س كۇشەيەدى.
كۇندىز قاراعاندى وبلىسىنىڭ باتىسى مەن سولتۇستىگىندە كوكتايعاق كۇتىلەدى. وڭتۇستىكتەن، وڭتۇستىك-شىعىستان جەل سوعادى، تۇندە كەي ۋاقىتتا ەكپىنى 25 م/س ارتادى.
تاڭەرتەڭ جانە كۇندىز تۇركىستان وبلىسىنىڭ تاۋلى جانە تاۋ بوكتەرلى اۋداندارىندا قاتتى جاڭبىر، نايزاعاي كۇتىلەدى. وڭتۇستىك-باتىستان جەل سوعادى، كەي ۋاقىتتا كۇشى 25 م/س جەتەدى.
شىمكەنت قالاسىندا تاڭەرتەڭ جانە كۇندىز كەي ۋاقىتتا قاتتى جاڭبىر، نايزاعاي كۇتىلەدى. وڭتۇستىك-باتىستان جەل سوعادى، ەكپىنى 15-20 م/س قۇرايدى.
ماڭعىستاۋ وبلىسىندا سولتۇستىك-باتىستان جەل سوعادى، كۇشى 23-28 م/س جەتۋى ىقتيمال.
كۇندىز پاۆلودار وبلىسىنىڭ سولتۇستىگى مەن باتىسىندا كوكتايعاق كۇتىلەدى. وبلىستىڭ سولتۇستىگىندە، باتىسىندا، شىعىسىندا وڭتۇستىك-شىعىستان جەل سوعادى، ءوڭىردىڭ سولتۇستىگىندە ەكپىنى 23 م/س ارتادى.
كۇندىز 22 قاراشادا، 23 قاراشادا تۇندە جامبىل وبلىسىنىڭ تاۋلى اۋداندارىندا قاتتى جاۋىن-شاشىن (جاڭبىر، قار) بولادى. 22-24 قاراشادا وبلىستىڭ وڭتۇستىگىندە، تاۋلى اۋداندارىندا تۇمان، ەكپىنى 23-28 م/س قۇرايتىن جەل كۇتىلەدى.
اتىراۋ وبلىسىنىڭ باسىم بولىگىندە سولتۇستىك-باتىستان جەل سوعادى، كۇشى 23-28 م/س جەتەدى. ءوڭىردىڭ باتىسىندا، وڭتۇستىگى مەن سولتۇستىگىندە كەي ۋاقىتتا جەلدىڭ جىلدامدىعى 30 م/س جانە ودان جوعارى بولادى.
22-23 قاراشادا قوستاناي وبلىسىندا جاۋىن-شاشىن كۇتىلەدى. ءوڭىردىڭ باتىسىندا قاتتى جاۋىن-شاشىن (جاڭبىر، قار) بولادى. سونداي-اق كوكتايعاق، بۇرقاسىن، تۇمان بولجانادى. جەلدىڭ ەكپىنى 23-28 م/س، كەي ۋاقىتتا 30 م/س جانە ودان جوعارى بولادى.
كۇندىز 22 قاراشادا، 23 قاراشادا تاۋلىك بويى سولتۇستىك قازاقستان وبلىسىنىڭ باسىم بولىگىندە جاۋىن-شاشىن (جاڭبىر، قار)، كوكتايعاق، بۇرقاسىن كۇتىلەدى. جەلدىڭ كۇشى 23-28 م/س ارتادى. 22 قاراشادا وبلىستىڭ وڭتۇستىگى مەن شىعىسىندا، 23 قاراشادا وبلىستىڭ وڭتۇستىگى مەن باتىسىندا جەلدىڭ جىلدامدىعى كەي ۋاقىتتا 30 م/س جانە ودان جوعارى بولادى.
كۇندىز 22 قاراشادا، 23 قاراشادا تاۋلىك بويى اقمولا وبلىسىندا جاۋىن-شاشىن (جاڭبىر، قار)، كوكتايعاق كۇتىلەدى. جەلدىڭ ەكپىنى 23-28 م/س، كەي ۋاقىتتا 30 م/س جانە ودان جوعارى بولادى.