قاۋىپسىزدىككە ينۆەستيسيا سالۋ ماڭىزدى

ۇكىمەت "ارسەلورميتتال تەمىرتاۋ"-دىڭ  جاڭا ينۆەستورىنا قوياتىن تالاپتاردى انىقتادى.

قانات شارلاپايەۆ ۇكىمەت "ارسەلورميتتال تەمىرتاۋ" جاڭا ينۆەستورىنا قانداي تالاپتار قوياتىنىن ءتۇسىندىردى، - دەپ حابارلايدى Almaty-akshamy.kz

وتىرىس بارىسىندا سەنات ءتوراعاسى ماۋلەن اشىمبايەۆ "ارسەلورميتتال تەمىرتاۋ" جاڭا ينۆەستورىنا قويىلاتىن تالاپتاردى سۇرادى.

"جاڭا ينۆەستورلارعا قويىلاتىن تالاپتارعا قاتىستى، قانداي ينۆەستيسيا بولادى، جاڭا ينۆەستوردىڭ الدىنا قانداي دا ءبىر كريتەريي، تالاپ، مىندەتتەر قوياسىز با؟" - دەپ سۇرادى اشىمبايەۆ.

سۇراقتارعا جاۋاپ بەرە وتىرىپ، قانات شارلاپايەۆ امت ءقازىر "قاۋىپسىزدىككە ينۆەستيسيا سالۋعا" وتە مۇقتاج ەكەنىن راستادى.

"بۇگىندە امت 3،2 ميلليون توننا بولات وندىرەدى، 4،5-4،8 ميلليون توننا بولاتتى جەتكىزۋ مۇمكىندىگى بار. بۇل جاعدايدا، ءبىرىنشىسى – ونەركاسىپتىك قاۋىپسىزدىككە ينۆەستيسيا سالۋدى تالاپ ەتەمىز، ال ەكىنشىسى - ءوندىرىستى كەڭەيتۋ جانە قۋاتتىلىقتى بۇرىنعى جىلدارى جۇمىس ىستەگەن دەڭگەيگە دەيىن ارتتىرۋ بويىنشا مىندەتتەمە الامىز. ال ءقازىر مۇنداي ينۆەستيسيا كولەمىن ورتا مەرزىمدى پەرسپەكتيۆادا 3 ميلليارد دوللارعا جۋىق دەپ ەسەپتەيمىز. ال ءبىرىنشى كەزەكتە ءوندىرىستى ۇلعايتۋ جانە ونەركاسىپتىك قاۋىپسىزدىكتى جاقسارتۋ ءۇشىن ميلليارد دوللارعا جۋىق قاراجات قاجەت"، - دەپ ءتۇسىندىردى شارلاپايەۆ.