وندا مەملەكەت باسشىسى الەمدىك جانە ءداستۇرلى دىندەر كوشباسشىلارى VII سەزىنىڭ ماقساتى تۋرالى جازعان.
پرەزيدەنت اتاپ وتكەندەي، قازىرگى كۇردەلى جاعدايدا مەملەكەتتەر اراسىندا كەدەرگىلەر تۋىنداتقاننان گورى بايلانىس ورناتۋ قاجەت، دەپ حابارلايدى Almaty-akshamy.kz.
«ءبىزدىڭ سەنىمىمىز بەيبىتشىلىككە ۇمتىلىس كەزىندە شەشۋشى ءرول اتقاردى. جاناشىرلىق، الەۋمەتتىك ادىلدىك جانە ادامگەرشىلىك سەكىلدى قۇندىلىقتار بارىمىزگە ورتاق. الەمدە بەيبىتشىلىك ورناتۋ ءۇشىن بۇل وتە ماڭىزدى. قازىرگى جاھاندانۋ كەزەڭىندە ءتۇرلى قايشىلىقتارعا قاراماستان، قالىپتاسقان كەلىسپەۋشىلىكتەردى ەڭسەرە الامىز»، -دەپ جازدى پرەزيدەنت.
قاسىم-جومارت توقايەۆتىڭ سوزىنشە، ءدىني ارتۇرلىلىك بىرلىكككە كەدەرگى بولا المايدى. ماقالادا پرەزيدەنت ايماقتا بەيبىتشىلىك پەن قاۋىپسىزدىكتى قالىپقا كەلتىرۋ ءۇشىن ءدىن كوشباسشىلارى ورتاق ۇيعارىمعا كەلەدى دەپ سەنەدى. جانە وسىعان كۇش بىرىكتىرەدى دەپ ۇمىتتەنەدى.
«قازاقستان فورۋمدى ۇيىمداستىرۋشى ەل رەتىندە وسى باسىمدىقتاردى قولدايدى. ەۋرازيانىڭ جۇرەگىندە سەنىم ورناتۋ وتە ماڭىزدى. قازىرگى كۇردەلى جاعدايدا ءبىز كەدەرگى ەمەس، مەملەكەتتەر اراسىندا كوپىر بولۋعا تىرىسۋىمىز كەرەك. قانداي دا ءبىر كەلىسپەۋشىلىگى بار تاراپتاردى ءبىز كەلىسسوز ءۇشىن قازاقستانعا شاقىرامىز. زورلىق-زومبىلىق پەن جەككورۋشىلىك – جاراتۋشىنىڭ قالاۋى ەمەس»، - دەپ جازدى مەملەكەت باسشىسى.