ۇشاق بورتىنداعى 6 ەكيپاج مۇشەسى مەن 22 جولاۋشىنىڭ بارلىعى مەرت بولعان.
ق ر مەملەكەت باسشىسى قاسىم-جومارت توقايەۆ رەسەي فەدەراسياسىنىڭ پرەزيدەنتى ۆلاديمير پۋتينگە كوڭىل ايتىپ، جەدەلحات جولدادى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
رەسەيدىڭ كامچاتكا ولكەسىندە ان-26 ۇشاعىنىڭ اپاتقا ۇشىراۋى سالدارىنان جولاۋشىلار مەن ەكيپاج مۇشەلەرىنىڭ قازا بولۋىنا بايلانىستى قايعىلى حاباردى مەملەكەت باسشىسى قاسىم-جومارت توقايەۆ تەرەڭ كۇيزەلىسپەن قابىلدادى.
«قازاقستان حالقىنىڭ جانە جەكە ءوزىمنىڭ اتىمنان ورنى تولماس قايعىعا ورتاقتاسا وتىرىپ، قازا بولعانداردىڭ جاقىندارى مەن تۋىستارىنا كوڭىل ايتامىن»، – دەلىنگەن پرەزيدەنتتىڭ جەدەلحاتىندا.
رەسمي مالىمەتكە سايكەس، جولاۋشىلار ۇشاعى پەتروپاۆلوۆسك-كامچاتسكيي قالاسىنان پالانا كەنتىنە ادام تاسىمالداعان. وسى جولى تۋرا جەرگە قوناردىڭ الدىندا بايلانىسقا شىقپاي قالدى.
الدىن الا جاسالعان بولجام بويىنشا، اۋە كەمەسى تەڭىزگە قۇلاعان. سەبەبى پالانا كەنتىنە دەيىن 9 شاقىرىمداي قالعاندا بايلانىس ءۇزىلىپ كەتتى. بورتتا ەكيپاجدىڭ 6 مۇشەسى جانە 22 جولاۋشى، ولاردىڭ اراسىندا 6 جانە 17 جاستاعى بالالار دا بولعان.