بۇل نىسان وسكەلەڭ ۇرپاقتى سپورتقا باۋلۋعا ۇلكەن سەرپىن بەرەدى.
استانا كۇنىنە وراي تاۋەلسىزدىكتىڭ 30 جىلدىعى اياسىندا تالدىقورعان قالاسىندا ورتا ازيادا تەڭدەسى جوق ءجۇزۋ باسسەينى ىسكە قوسىلدى، دەپ حابارلايدى Almaty-akshamy.kz.
«570 ورىندىق ەكى قاباتتى باسسەين عيماراتىنىڭ سىرتقى كەيپى تەڭىزدە ءجۇزىپ جۇرگەن الىپ بالىقتى ەلەستەتەدى. مۇندا جاس سپورتشىلار سۋ دوبى، سۋعا سەكىرۋ، اكۆااەروبيكا سياقتى ءجۇزۋدىڭ بارلىق تۇرىنەن جاتتىعا الادى. بولاشاقتا عيماراتتىڭ حالىقارالىق جارىستار وتكىزۋگە دە مۇمكىندىگى بار»،– دەلىنگەن الماتى وبلىسى اكىمىنىڭ باسپاسوز-قىزمەتىنىڭ حابارلاماسىندا.
جالپى، وسى زاماناۋي ءجۇزۋ باسسەينى 3،8 گا جەردى الىپ جاتىر. بۇل عيماراتتىڭ جالپى اۋدانى 13 مىڭ شارشى مەتردەن اسادى. 570 ورىنعا ارنالعان ءجۇزۋ باسسەينىنىڭ قۇرىلىسىنا 11،4 ملرد تەڭگەدەن استام قاراجات جۇمسالعان. عيماراتتىڭ سىرتقى كەيپى تەڭىزدە ءجۇزىپ جۇرگەن الىپ بالىقتى ەلەستەتەدى.
مۇندا 3 باسسەين بار، سونىڭ ىشىندە ەڭ ۇلكەنىنىڭ ۇزىندىعى – 52 مەتر، ەنى 25 مەتر. بۇل عيماراتتا نيەت بىلدىرگەندەر سۋ دوبى، سۋعا سەكىرۋ، اكۆااەروبيكا سياقتى ءجۇزۋدىڭ بارلىق تۇرىنەن جاتتىعا الادى. باسسەين جىل بويى ءتۇرلى دەڭگەيدەگى سپورتتىق جارىستار وتكىزۋگە، سول سياقتى ازاماتتاردى سالاماتتى ءومىر سالتىنا بەيىمدەۋگە، بالالاردى جۇزۋگە ۇيرەتۋگە ارنالعان. مۇمكىندىگى شەكتەۋلى جاندارعا دا بارلىق جاعداي جاسالعان. الداعى ۋاقىتتا ترياتلون، بايداركادا ەسۋ، كانوە جانە باسقا دا بولىمدەر اشۋ جوسپاردا بار. باسسەين ارقىلى تالدىقورعاننىڭ بولاشاقتا سۋ سپورتىنىڭ ورتالىعى بولۋىنا مۇمكىندىگى بار.
جالپىع وبلىستا 3 مىڭنان اسا سپورت نىساندارى مەن 43 سپورت مەكتەبى بار، وندا 42 مىڭعا جۋىق بالا سپورتپەن شۇعىلدانادى. وبلىس بويىنشا 667 مىڭنان استام ادام نەمەسە جالپى حالىق سانىنىڭ 32% دەنە شىنىقتىرۋ جانە سپورتپەن جۇيەلى تۇردە اينالىسادى.
