ق ر پرەزيدەنتى قاسىم-جومارت توقايەۆ پارلامەنت ءماجىلىسىنىڭ وتىرىسىندا كاسىپكەرلىكتى رەتتەيتىن جاڭا زاڭ بيزنەسكە تۇسكەن بيۋروكراتيالىق سالماقتى ايتارلىقتاي ازايتاتىنىن اتادى، دەپ حابارلايدى almaty-akshamy.kz قازاقپارات تىلشىسىنە سىلتەمە جاساپ.
«بۇل جۇيەنىڭ وزەگىندە قوعام الدىنداعى جاۋاپكەرشىلىگى سەزىنە بىلەتىن كاسىپكەرلەرىمىزدىڭ اۋقىمدى توبى تۇراتىنى انىق. ياعني، بۇل - ءوزىنىڭ بالالارىنىڭ تاعدىرىن قازاقستانمەن عانا بايلانىستىراتىن كاسىپكەرلەر. ءدال وسىنداي كاسىپكەرلەر ەل بولاشاعى ءۇشىن وزىنە جاۋاپكەرشىلىك الۋعا دايىن»، - دەدى قاسىم-جومارت توقايەۆ.
پرەزيدەنت كاسىپكەرلىكتى دامىتۋ ءۇشىن جۇيەلى جۇمىس اتقارۋ وتە ماڭىزدى ەكەنىن دە ايتتى.
«مەن بيزنەسكە تۇسكەن بيۋروكراتيالىق سالماقتى ايتارلىقتاي ازايتىپ، ونىڭ وسىپ-وركەندەۋىنە جول اشاتىن زاڭعا قول قويدىم. ۇكىمەت وسى زاڭدى ناقتى ءىس جۇزىندە پايدالانۋى قاجەت»، - دەدى ول ءماجىلىس وتىرىسىندا.