قازاقستان پرەزيدەنتى ماحاراشترا شتاتىندا بولعان سۋ تاسقىنى مەن لاي كوشكىنى سالدارىنان كوپتەگەن ادامنىڭ قازا تاپقانى جانە ۇيلەر مەن عيماراتتاردىڭ قيراعانى تۋرالى سۋىت حاباردى تەرەڭ كۇيزەلىسپەن قابىلدادى.
مەملەكەت باسشىسى ءۇندىستانداعى تابيعي اپاتقا ۇشىراعاندارعا كوڭىل ايتىپ، ەل پرەزيدەنتى رام نات كوۆيندكە جەدەلحات جولدادى، دەپ حابارلايدى Almaty-akshamy.kz اقوردانىڭ سايتىنا سىلتەمە جاساپ.
«قازاقستان حالقىنىڭ جانە جەكە ءوزىمنىڭ اتىمنان قازا بولعان ادامداردىڭ وتباسىلارىنا كوڭىل ايتامىن جانە زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن. ءىز-تۇزسىز جوعالعان وتانداستارىڭىز ءوز وتباسىلارىنا امان-ەسەن ورالسىن. وسىنداي قيىن-قىستاۋ شاقتا ءبىز ءۇندىستان حالقىمەن بىرگەمىز»، – دەلىنگەن جەدەلحات ماتىنىندە.