مەملەكەت باسشىسى تۇركيانىڭ ءبىرقاتار كاسىپكەرىمەن جەكە-جەكە كەزدەستى.
ولاردىڭ اراسىندا «Yildirim Holding» پرەزيدەنتى روبەرت يۋكسەل يىلدىرىم، «TAV Havalimanları Holding» باسقارما مۇشەسى ساني شەنەر، «Goknur Gida» باسقارما ءتوراعاسى وسمان اسلانالي، «Sembol» كومپانياسىنىڭ باسقارما مۇشەسى فەتتاح تاميندجە جانە «Koç Holding» كومپانياسىنىڭ باسقارما مۇشەسى الي كوچ بار، دەپ حابارلايدى Almaty-akshamy.kz اقورداعا سىلتەمە جاساپ.
كەزدەسۋلەردە تۇرىك بيزنەسمەندەرىنىڭ قازاقستانداعى جوبالارى مەن الداعى ۋاقىتتا ىسكە اسىرىلاتىن باستامالارى تۋرالى ءسوز بولدى. اتالعان ىسكەر توپتاردىڭ ەلىمىزگە سالىنعان ينۆەستيسيالارى حيميا، اۋىل شارۋاشىلىعى، قۇرىلىس سالالارىن قامتيدى.
مەملەكەت باسشىسى ولاردىڭ ەلىمىزگە سالعان ينۆەستيسيالارىنا قولداۋ كورسەتىلەتىنىن ايتتى.