مەملەكەت باسشىسى قاسىم-جومارت توقايەۆ تۇركيانىڭ وڭتۇستىك-شىعىسىندا كوپتەگەن ادام شىعىنىنا اكەپ سوقتىرعان جەر سىلكىنىسىنە بايلانىستى وسى ەلدىڭ پرەزيدەنتى رەجەپ تاييپ ەردوعانعا كوڭىل ايتۋ جەدەلحاتىن جولدادى، دەپ حابارلايدى Almaty-akshamy.kz. اقورداعا سىلتەمە جاساپ.
«تۇركيا رەسپۋبليكاسىندا بولعان اسا كۇشتى جەر سىلكىنىسى سالدارىنان كوپتەگەن ادامنىڭ قازا تاپقانى تۋرالى سۋىت حاباردى زور كۇيزەلىسپەن قابىلدادىم. وسىنداي قيىن ساتتە جاقىندارىنان ايىرىلعان وتباسىلارعا، سونداي-اق بۇكىل تۇرىك اعايىندارىمىزدىڭ اۋىر قايعىلارىنا ورتاقتاسىپ، قازاقستان حالقىنىڭ جانە جەكە ءوزىمنىڭ اتىمنان كوڭىل ايتامىن»، – دەپ جازىلعان جەدەلحاتتا.
سونىمەن قاتار پرەزيدەنت قازاقستاننىڭ تۇركياعا ءتيىستى كومەك كورسەتۋگە دايىن ەكەنىن جەتكىزدى.