تاجىكستاننىڭ مادجليسي ءتوراعاسى رۋستامي ەمومالي – تاجىكستان پرەزيدەنتى ەمومالي راحمونوۆتىڭ ۇلكەن ۇلى.
كەزدەسۋدە قازاقستان پرەزيدەنتى قازىرگى سىن-قاتەرلەر جاعدايىندا جوعارى دارەجەدە ورنىقتىلىق كورسەتىپ وتىرعان قازاق-تاجىك ىنتىماقتاستىعىنىڭ قارقىندى ەكەنىن اتاپ ءوتتى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
بۇعان مەملەكەتتەر باسشىلارى دەڭگەيىندەگى بەلسەندى ساياسي ديالوگ جانە ۇكىمەتتەردىڭ ۇيلەسىمدى جۇمىستارى سەپتىگىن تيگىزۋدە.
قاسىم-جومارت توقايەۆ ءوزىنىڭ تاجىكستانعا رەسمي ساپارىنىڭ قورىتىندىلارى بويىنشا قول جەتكىزىلگەن ۋاعدالاستىقتار ەكىجاقتى بايلانىستاردى كەشەندى تۇردە نىعايتۋدىڭ باستى باعدارى بولاتىنىن ايتتى.
پرەزيدەنت مەملەكەتتەر باسشىلارىنىڭ تاپسىرمالارىن ىسكە اسىرۋدا ەكى ەل ۇكىمەتتەرىنىڭ بەلسەندى جۇمىس ىستەپ جاتقانىن جانە ءقازىردىڭ وزىندە ناقتى ناتيجەلەردىڭ بار ەكەنىن اتاپ ءوتتى.
مەملەكەت باسشىسى قاسىم-جومارت توقايەۆ پرەزيدەنت ەمومالي راحمونعا جۇرەكجاردى سالەمىن جانە ۇقشۇ مەن شىۇ-نىڭ جۋىردا دۋشانبەدە وتكەن سامميتتەرىن ساپالى ۇيىمداستىرعانى ءۇشىن شىنايى العىسىن جولدادى.