پرەزيدەنت وعان العىس ءبىلدىردى.
مەملەكەت باسشىسى قاسىم-جومارت توقايەۆ نازاربايەۆ ۋنيۆەرسيتەتىنىڭ پرەزيدەنتى شيگەو كاتسۋدى قابىلدادى، دەپ حابارلايدى Almaty-akshamy.kz اقورداعا سىلتەمە جاساپ.
قاسىم-جومارت توقايەۆقا نازاربايەۆ ۋنيۆەرسيتەتىنىڭ قازىرگى جۇمىستارى مەن الداعى كەزەڭگە ارنالعان جوسپارى تۋرالى باياندالدى.
اڭگىمەلەسۋ بارىسىندا ءبىلىم بەرۋ جانە عىلىمي-زەرتتەۋ جۇمىستارىنىڭ پەرسپەكتيۆالارىنا، ءتۇرلى سالاداعى جاڭا تەحنولوگيالار مەن يننوۆاسيالاردى ازىرلەۋ ماسەلەسىنە ەرەكشە نازار اۋدارىلدى.
شيگەو كاتسۋدىڭ ايتۋىنشا، ۋنيۆەرسيتەت قازاقستانداعى جوعارى ءبىلىم بەرۋ ءىسىنىڭ باسەكەگە قابىلەتتىلىگىن ارتتىرۋعا ءوز ۇلەسىن قوسۋعا دايىن. وقۋ ورنىنىڭ قىزمەتى ۇلتتىق ەكونوميكا مەن ەلىمىزدەگى الەۋمەتتىك سالانى جاڭعىرتۋعا باعىتتالعان.
مەملەكەت باسشىسى جۋىق ارادا نازاربايەۆ ۋنيۆەرسيتەتىنە بارۋعا نيەتتى ەكەنىن ايتتى. پرەزيدەنت قاسىم-جومارت توقايەۆ شيگەو كاتسۋدى 70 جاسقا تولعان مەرەيتويىمەن قۇتتىقتاپ، جوعارى بىلىكتىلىگى مەن قازاقستاننىڭ ءبىلىم بەرۋ سالاسىنداعى كوپ جىلعى جەمىستى ەڭبەگى ءۇشىن وعان العىس ءبىلدىردى.