قاسىم-جومارت توقايەۆ شاۆكات ميرزيويەۆتى وزبەكستان رەسپۋبليكاسىنىڭ پرەزيدەنتى سايلاۋىنداعى سەنىمدى جەڭىسىمەن قۇتتىقتادى، دەپ حابارلايدى Almaty-akshamy.kz.
مەملەكەت باسشىسى داۋىس بەرۋ قورىتىندىسى ەلدى ورنىقتى دامىتۋعا، ونىڭ تۇراقتىلىعى مەن وركەندەۋىن قامتاماسىز ەتۋگە باعىتتالعان وزبەكستان پرەزيدەنتى ۇستانىمىنىڭ جالپىحالىقتىق قولداۋعا يە بولعانىن ايقىن كورسەتەدى دەپ اتاپ ءوتتى. اڭگىمەلەسۋ بارىسىندا پرەزيدەنت قازاق-وزبەك قاتىناستارىن ستراتەگيالىق سەرىكتەستىك پەن وداقتاستىق رۋحىندا ودان ءارى نىعايتۋعا نيەتتى ەكەنىن راستادى.
مەملەكەتتەر باسشىلارى بۇعان دەيىن جوعارى دەڭگەيدە قول جەتكىزىلگەن ۋاعدالاستىقتاردى ناقتى جۇزەگە اسىرۋ ماسەلەلەرى جونىندە پىكىر الماستى جانە الداعى ەكىجاقتى ءىس-شارالار كەستەسىن قاراستىردى.