الماتىلىقتار اتتراكسيونداردىڭ قىمباتتىعىنا شاعىمداندى

دەمالىس كۇنى كاسسالاردا كەزەكتىڭ بولماۋى دا باعانىڭ اسەرىنەن بولسا كەرەك.

الماتىدا اتا-انالار اتتراكسيون باعاسىنىڭ قىمباتتاعانىنا شاعىمدانىپ جاتىر، - دەپ حابارلايدى Almaty-akshamy.kz ءىnalmaty.kz سايتىنا سىلتەمە جاساپ.

ەڭ ارزان اتتراكسيون – "سلالوم"-نىڭ جارتى مينۋتتىق قىزىعى ءۇشىن 400 تەڭگە تولەۋ كەرەك. باسقا اتتراكسيوندار 680 تەڭگەدەن 990 تەڭگەگە دەيىن. ارينە، كەزەك بولماعاندىقتان ۋاقىت تەزىرەك وتەدى، ساياباقتا بار بولعانى ءبىر ساعاتتا اتا-انالار 7-10 مىڭ تەڭگە ارالىعىندا اقشا جۇمسايدى. بۇل، اسىرەسە، كوپبالالى وتباسىلارعا قيىن.

"ءبىزدىڭ جالعىز قىزىمىز بار، سونىڭ وزىندە ساياباققا ءجيى بارمايمىز. بالا كەزىمدە اتا-اناممەن بىرگە تالاي اتتراكسيونعا مىنگەنىم ەسىمدە. ءقازىر اتا-انالاردىڭ كوپشىلىگى تەك قاراپ تۇرۋعا بارادى. ارينە، الماتىدا اۋقاتتى جانۇيالار كوپ، ءبىراق باسقا بالالار دا وزدەرىن كەم سەزىنبەۋى كەرەك. اتتراكسيوندار وتە قىمبات، ءبىراق ساياباق تا شىعىنىن جاپپاسا، جۇمىس ىستەي المايدى. شىعىننىڭ جارتىسىن قالا اكىمدىگى ءوز موينىنا الىپ، كىشكەنتاي الماتىلىقتار مەن قالا قوناقتارى ساياباققا بارا السا، جاقسى بولار ەدى!"، - دەيدى وڭتۇستىك استانانىڭ تۇرعىنى اقمارال بەكەيەۆا.

كىشكەنتايلارعا ارنالعان الاڭدا 10 مينۋت ويناۋعا 700 تەڭگە تولەيسىز. ساياباق ارقىلى بالالار كولىگىمەن ءجۇرۋدىڭ باعاسى 1000 تەڭگە.