مەملەكەت باسشىسى نوۆي-ساد قالاسىنداعى تەمىرجول ۆوكزالىندا بولعان قايعىلى وقيعا سالدارىنان كوپتەگەن ادامنىڭ قازا تابۋىنا بايلانىستى سەربيا پرەزيدەنتى الەكساندر ۆۋچيچكە كوڭىل ايتتى.
– وسىنداي اۋىر ساتتە دوستاس سەربيا حالقىنىڭ قايعى-قاسىرەتىنە ورتاقتاسىپ، بارشا قازاقستاندىقتاردىڭ جانە جەكە ءوز اتىمنان سىزگە، جاقىندارىنان ايىرىلعان وتباسىلارعا قايعىرا كوڭىل ايتامىن. وقىس وقيعادا باقيلىق بولعانداردىڭ تۋىستارىنا سابىر، ال زارداپ شەككەن جانداردىڭ تەز ارادا ساۋىعىپ كەتۋىن تىلەيمىن،– دەپ جازىلعان جەدەلحاتتا.
ەستەرىڭىزگە سالا كەتەيىك، سەربيا حالقى ەڭ كوپ شوعىرلانعان نوۆي-ساد قالاسىنداعى تەمىرجول ۆوكزالىندا بەتون شاتىر قۇلاپ، 14 ادام قازا تاپتى.
قازا تاپقان 14 ادامنان باسقا ءۇش ادام جاراقات العان.
ۆوكزال عيماراتى 2021 جىلى قايتا جوندەۋدەن ءوتتى، ودان كەيىن 5 شىلدەدە رەسمي اشىلۋى ءۇشىن بيىل تاعى جوندەۋدەن وتكەن ەكەن.
سەربيا بيلىگى كەشەگى كۇندى، 2 قاراشانى ازا تۇتۋ كۇن دەپ جاريالادى.