پرەزيدەنت «التىن وردا» بازارىندا ءتارتىپ ورناتۋدى تاپسىردى
پرەزيدەنت قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا ەلدەگى بازارلاردىڭ جۇمىسىن زاڭ اياسىندا رەتتەۋدى تاپسىردى، دەپ حابارلايدى اlmaty-akshamy.kz
«ساۋدا-ساتتىقتاعى ءتيىمسىز دەلدالدىققا توقتاۋ سالاتىن كەز كەلدى. مىسالى، 3 ملن ادام تۇراتىن الماتى قالاسى مەن ونىڭ توڭىرەگىندەگى ەلدى مەكەن تۇرعىندارى تۇتىنۋ تاۋارلارىن كوبىنە «التىن وردا» بازارىنان الادى. الماتى وبلىسى مەن الماتى قالاسىنىڭ اكىمدەرىنە ۇكىمەتپەن بىرلەسىپ، بازاردا ءتارتىپ ورناتۋدى تاپسىرامىن. بۇل جەر پايداكۇنەمدەر ءۇشىن ناعىز مايشەلپەككە اينالعان. بۇعان الماتىداعى قاڭتار وقييعاسى كەزىندە انىق كوز جەتكىزدىك»، -دەدى مەملەكەت باسشىسى.
ول بۇل ىسكە قاجەت بولعان جاعدايدا قۇقىق قورعاۋ ورىندارىن ارالاستىرۋعا بولاتىنىن ايتتى.
«بۇل باسقا وڭىرلەرگە دە قاتىستى ماسەلە. قاجەت بولسا، وسى جۇمىسقا قۇقىق قورعاۋ ورگاندارى اتسالىسسىن»، - دەگەن پرەزيدەنت اتالمىش ماسەلەنى رەتتەۋگە ەكى اي ۋاقىت بەرىلەتىنىن ەسكەرتتى.