1 ميلليونعا جۋىق ادامنىڭ تابىسى ەڭ تومەنگى كۇنكورىس دەڭگەيىنە دە جەتپەيدى. بۇل تۋرالى ۇكىمەتتىڭ كەڭەتىلگەن وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«ءبىرىنشى - حالىقتىڭ تابىسىن ارتتىرۋ جانە تەڭسىزدىكتى ازايتۋ. تابىس تابۋ - ازاماتتاردىڭ تۇرمىس ساپاسىن جاقسارتۋدىڭ جانە بولاشاققا دەگەن سەنىمىن نىعايتۋدىڭ باستى فاكتورى. وكىنىشكە قاراي سوڭعى كەزدە جۇرتتىڭ تابىسى ەكونوميكالىق ءوسىمنىڭ ەمەس، الەۋمەتتىك ترانسفەرتتىڭ ەسەبىنەن كوبەيدى. اشىعىن ايتقاندا، جاردەماقىمەن جانە زەينەتاقىمەن عانا كۇن كورىپ وتىرعاندار از ەمەس»، - دەدى مەملەكەت باسشىسى.
ق ر پرەزيدەنتى سوڭعى 5 جىلدا حالىقتىڭ جالپى تابىسىنداعى ەڭبەك كىرىسىنىڭ ۇلەسى 80 پايىزدان 67 پايىزعا دەيىن قىسقارىپ كەتكەن. ال الەۋمەتتىك ترانسفەرتتەر 17-دەن 29 پايىزعا دەيىن ۇلعايعان.
«بۇدان ازاماتتاردىڭ كىرىسى الاتىن جالاقىسىنا ەمەس بيۋدجەت شىعىسىنا تاۋەلدى ەكەنىن بايقاۋعا بولادى. بۇل از دەسەڭىز، جۇمىس بەرۋشىلەردىڭ پايداسىمەن جانە نارىقتاعى باعانىڭ كوتەرىلۋىمەن سالىستىرعاندا ەڭبەكاقى الدەقايدا باياۋ وسۋدە. سونىڭ سالدارىنان قارىزعا باتقان ازاماتتار مەن كەدەي ادامدار كوبەيىپ بارادى»، - دەدى قاسىم-جومارت توقايەۆ.