مەملەكەت باسشىسى ساۋد ارابياسىنىڭ ءبىرقاتار كاسىپكەرلەرىمەن جەكە كەزدەسۋ وتكىزدى، دەپ حابارلايدى Almaty-akshamy.kz Inform.kz-كە سىلتەمە جاساپ.
اتاپ ايتقاندا، پرەزيدەنت Ajlan & Bros Holding Group حولدينگتىك توپ باسقارماسىنىڭ باسشىسى ادجلان بەن ابدەلازيز ال-ادجلانمەن جانە Acwa Power كومپانياسى ديرەكتورلار كەڭەسىنىڭ ءتوراعاسى مۇحاممەد ابۋنايانمەن اڭگىمەلەستى ساۋد ارابياسى كورولدىگىنىڭ جانە تاياۋ شىعىستاعى ءىرى كونگلومەراتتىڭ ءبىرى – Ajlan & Bros Holding Group قازاقستانعا ينۆەستيسيا قۇيۋعا مۇددەلى ەكەنىن ايتتى. قازىرگى ۋاقىتتا حولدينگ الماتى وبلىسىنىڭ اۋىل شارۋاشىلىعى سالاسىنداعى ءوندىرىس جوباسىن پىسىقتاۋدا. مۇحاممەد ابۋنايانمەن كەزدەسۋدە بالامالى ەنەرگيا كوزدەرىن دامىتۋ ماسەلەلەرى تالقىلاندى. پرەزيدەنتتىڭ ايتۋىنشا، ەلىمىز 2030 جىلعا قاراي جاڭعىرتىلاتىن ەنەرگيا كوزدەرىنىڭ 30 پايىزىن ءوندىرۋدى جوسپارلاپ وتىر.
سونىمەن قاتار قاسىم-جومارت توقايەۆ Acwa Power كومپانياسىن قازاقستاندا جاسىل سۋتەگى ءوندىرىسى سالاسىنداعى بىرلەسكەن جوبالاردى جۇزەگە اسىرۋعا شاقىردى.