مەملەكەت باسشىسى قاسىم-جومارت توقايەۆ روجدەستۆو مەرەكەسىمەن قۇتتىقتادى.
پرەزيدەنت توقايەۆ روجدەستۆو مەرەكەسىنە وراي قۇتتىقتاۋ جولدادى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
قىمباتتى وتانداستار!
بارشا پراۆوسلاۆ حريستياندارىن روجدەستۆو مەرەكەسىمەن شىن جۇرەكتەن قۇتتىقتايمىن!
بۇل مەيرام ءۇمىت پەن قۋانىش سىيلايدى، جاقسىلىققا جانە ادىلدىككە شاقىرادى.
باسقا ءداستۇرلى دىندەر سەكىلدى حريستيان ءدىنى دە مەيىرىمدىلىك، جاناشىرلىق، سۇيىسپەنشىلىك سياقتى قاستەرلى قۇندىلىقتاردى ارقاۋ ەتكەن.
ءبىزدىڭ قوعامىمىزدا ءتۇرلى ءدىندى ۇستاناتىن، دۇنيەتانىمى ءارتۇرلى جاندارعا ادامگەرشىلىك جولىن نۇسقايتىن جوعارى گۋمانيستىك يدەالدار بەرىك ورنىققان.
پراۆوسلاۆ ءدىنى قوعامىمىزدىڭ اجىراماس بولىگى رەتىندە جالپىۇلتتىق بىرلىگىمىزدى نىعايتۋعا، مادەنيەتتەر مەن داستۇرلەر ءارالۋاندىعىن ساقتاۋعا ىقپال ەتىپ كەلەدى.
حالىقتىڭ ىنتىماق-بىرلىگى جانە تىلەكتەستىگى تۇراقتىلىعىمىزدى نىعايتىپ، ەلىمىزدىڭ وسىپ-وركەندەۋىنە جانە جان-جاقتى جاڭعىرۋ جولىمەن العا نىق قادام باسۋىنا كەپىل بولا بەرەتىنىنە كامىل سەنەمىن.
بارشاڭىزعا زور دەنساۋلىق، تولاعاي تابىس تىلەيمىن!
ءار شاڭىراق باق-بەرەكەگە كەنەلسىن!