ستراتەگيالىق سەرىكتەستىكتى دامىتۋدىڭ پەرسپەكتيۆالارىن تالقىلادى.
مەملەكەت باسشىسى ەۋرازيالىق ۇكىمەتارالىق كەڭەسكە قاتىسۋ ءۇشىن قازاقستانعا كەلگەن رەسەي فەدەراسياسىنىڭ پرەمەر-مينيسترى ميحايل ءميشۋستيندى قابىلدادى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
كەزدەسۋ بارىسىندا ولار ساۋدا-ەكونوميكالىق، ينۆەستيسيالىق ىنتىماقتاستىقتى، سونىڭ ىشىندە ەۋرازيالىق ەكونوميكالىق وداق اياسىنداعى ىقپالداستىقتى نىعايتۋعا باسا ءمان بەرە وتىرىپ، قازاقستان مەن رەسەي اراسىنداعى ستراتەگيالىق سەرىكتەستىكتى دامىتۋدىڭ پەرسپەكتيۆالارىن تالقىلادى.
سونىمەن قاتار قازاقستان پرەزيدەنتى مەن رەسەي پرەمەر-مينيسترى ۋكرايناداعى جاعدايدىڭ ۋشىعۋىنا جانە رەسەيگە حالىقارالىق سانكسيالاردىڭ ەنگىزىلۋىنە بايلانىستى ەكى مەملەكەت اراسىنداعى تاۋار اينالىمىنىڭ تومەندەۋىنە جول بەرمەۋ جونىندەگى بىرلەسكەن شارالاردى قاراستىردى.