ق ر پرەزيدەنتى قاسىم-جومارت توقايەۆ رەفەرەندۋمدا داۋىس بەردى، دەپ حابارلايدى almaty-akshamy.kz
مەملەكەت باسشىسى ەلورداداعى وقۋشىلار سارايىندا ورنالاسقان №59 داۋىس بەرۋ ۋچاسكەسىنە كەلدى. پرەزيدەنت وسى ۋچاسكەدە بيۋللەتەن ارقىلى رەسپۋبليكالىق رەفەرەندۋمدا ءوز تاڭداۋىن جاسادى.
بۇگىن رەفەرەندۋم بارىسىندا ەل تۇرعىندارى كونستيتۋسيامىزدىڭ 33 بابىنا 56 وزگەرىس ەنگىزۋ ماسەلەسىنە قاتىستى ءوز داۋىسىن بەرەدى.
رەسپۋبليكا بويىنشا 10 013 رەفەرەندۋم ۋچاسكەسى ىسكە قوسىلادى. ال رەسپۋبليكالىق رەفەرەندۋمعا قاتىسۋ قۇقىعى بار ازاماتتاردىڭ ءتىزىمى 11 ملن 722 مىڭ 536 ادامدى قۇرايدى. سونىمەن قاتار ق ر سىرتقى ىستەر مينيسترلىگى 52 شەت مەملەكەتتەگى ەلشىلىكتەرىمىزدىڭ جانىنان 65 ۋچاسكەلىك رەفەرەندۋم كوميسسياسىن قۇردى.